[dantzan] Multiplicidad. Formas de Silencio y Vacío

[dantzan.com]

Espainiako Konpainia Nazionalak Iruñeko Baluarten dantzatuko du gaur eta 
bihar. Nacho Duatok zuzendutako taldeak Johan S. Bach-en musikan 
oinarritutako "Multiplicidad. Formas de Silencio y Vacío" lana eskainiko 
du. Pertsonalki dantza ikuskizun ikaragarria iruditzen zait. 
Zirraragarria. Maisu lan bat artista bikainek gauzatutakoa. Dantza 
ikusiz har daitekeen gozamen handienetakoa eskaintzen du ikuskizun 
horrek nire ustez. Multiplicidad zatia iruditzen zait niri gozagarriena. 
Baina emanaldi osoak du indarra. Eta pentsatzen dut beste askoren ustez 
ere hala dela. 1999an sortu zuen lan hau Duatok, Alemaniako Weima 
hiriaren enkarguz, eta harrezkero mundu osoko antzokiek eskatzen diote 
lan hori bertara eramateko.

Sarrerak ez dira merkeak 30, 24 eta 20 euro. Baina egunotan inguruko 
gazte mordoska bat ikusten dut Mayumanak Bilbon eskainiko dituen 
emanaldietarako sarrerak erosten, eta horrek ere antzeko prezioak ditu. 
14 emanaldi egingo ditu Mayumanak Bilbon, 33 eta 15 euro bitarteko 
15.000 sarrera inguru dira horiek, eta ziur aski gehienak salduko dira. 
Beraz, argi dago gauza batzuk ez zaizkigula hain garestiak iruditzen. 
Iaz Donostian ikusi nuen Mayumana eta argi eta garbi esango dut iruditu 
zitzaidan: kaka komertziala, show erabat hutsal eta efektista.

Baina itzul nadin hasierara, dantza emanaldi bat gomendatzen hasi eta 
desbideratu egin bainaiz. Oraindik badaude sarrerak gaur eta bihar 
Baluarten ikusiko den emanaldirako eta aprobetxatu aukera. Nire uste 
apalean 2006 osoan Euskal Herrian ikusi ahal izango den dantza ikusgarri 
interesgarrienetakoa da.

oier.


Nacho Duato bailará hoy y mañana en Baluarte
Presenta la obra 'Multiplicidad. Formas de Silencio y Vacío' , inspirada 
en Johan S. Bach. Todavía quedan algunas entradas para las dos funciones 
de la CND (20.00 horas) al precio de 30, 24 y 20 euros
http://www.dantzan.com/hemeroteka/nacho-duato-bailara-hoy-y-manana-en-baluarte