[dantzan] Argentinako bueltea

Oier Araolaza oier a bildua dantzan.com
Or, Abe 1, 10:30:43, CET 2006



Aurtzaka dantza taldeak udan Argentinan egin duen biraren kronika ederra 
jaso du bere blogean. Chiviloy, Rosario, Resistencia eta Bahía Blancan 
eskainitako emanaldiak, eta bertan harrera egin zieten 
euskal-amerikarrekin izandako harreman ederren berri jaso dute, argazkiz 
ongi hornituta.

Argentinara eramandako errepertorioaren azalpen labur bat ere jaso dute 
blogean eta uste dut aipatzeko modu kontua dela. Goierriko dantza 
tradizionalen bilketa eta berregite lan garrantzitsua burutu ondoren, 
material hori guztia ikuskizun batean atondu dute, eta horixe eraman 
dute Argentinara. Horri esker Argentinan ez dute "ohiko" euskal dantzen 
errepertorio bat jaso, ehunka dantza taldek errepikatzen dugun berbera, 
baizik eta beste inongo dantza taldek eskaini ezin zezakeena eskaini 
dute. "Betiko" errepertorioa ondo baino hobeto ezagutzen duten 
dantzariei euskal dantzen ondarea talde gehienek erakusten dutena baino 
askoz ere zabalagoa eta aberatsagoa dela erakutsi diete. 
"Partikulartasuna txiroegia izan ote zitekeenaren beldurra, berehala 
uxatu ahal izan genuen" diote blogean, eta arrazoi osoz, 
partikulartasunak berak ematen baitio balioa Aurtzakaren emanaldiari.

Hemen Aurtzakaren Argentinako bueltea:
http://www.dantzan.com/blogak/aurtzaka/argentinako-bueltea







Dantzan posta zerrendari buruzko informazio gehiago