[eibar] Inglesezko Jingo hitza

Julen Gabiria julengabiria a bildua yahoo.es
As, Abe 14, 10:20:53, CET 2004


Mendigreenek:
"Orain dela hilabete batzuk Anjel Lertxundik idatzi zuen horretaz Berria-ko
bere txokoan."
 
Bai jauna. Hemerotekan begiratuta, hortxe dago. Dana dala, "orain dela hilabete batzuk"... arin pasetan jatzu zuri denpora, e Xabi? Hemerotekaren arabera, 2003ko uztailaren 16an idatzi eban Lertxundik artikulu hau:
 

Jingoismoaz 

Noam Chomskyk bere azken liburuan, Kennedy eta Reagan-i buruz ari delarik: «Bi lehendakariak jingoistak ziren, eta biak ala biak saiatu ziren hiritarrak izutzen histeria militaristaren eta jingoismoaren bidez» (Obra esencial, Cátedra). 

Kontsultatu ditudan euskal hiztegiek ez dute jingoismo hitza jaso. Larousse entziklopediak, berriz: «Britainiarren aberkoikeria sutsuari emandako izena; jatorri ezezaguneko By Jingo! espresioa du oinarri». 

Laroussek nahi duena esango du, baina soldadu britainiarren oihu aberkoiak badu, Azkueren ustez, jatorri jatorra: Bai Jinko! euskalduna. Ingelesak, Ipar Euskal Herriaren jabe egin ziren garai luzean (1154-1453), jabetu ziren, nonbait, euskaldunei oso sarri entzuten zieten espresioaz ere. 

Espresioaz jabetu ziren, baina ez, bai Jinko!, aberkoikeria sutsuaren monopolioaz. 

 

Xabier Mendiguren <xmendiguren a bildua elkarlanean.com> wrote:

Bai, gehiagotan ere azaldu da "jingo" hori euskarazkoa dela. Beste azalpen
historiko batekin baina: Lapurdi zenbait mendetan Ingalaterrako koroarena
izan zen (1200-1500 bitarte horretan edo); inguru horretan "jinko" esango
zuten, "jinkoarren" egingo zuten birao, eta hor ibilitako ingelesek eramango
zuten etxera "by jingo" delakoa.

Orain dela hilabete batzuk Anjel Lertxundik idatzi zuen horretaz Berria-ko
bere txokoan.

X.


el 14/12/04 09:35, Gari Araolaza en gari a bildua eibar.org escribió:

> Hau denez foro guztiz filologoa...
> 
> Ez dakit oso fiablea den, baina hemen esaten dute inglesezko "jingo"
> hitza euskaratik eratorrita datorrela:
> 
> http://www.bartleby.com/81/9223.html
> 
> /"By Jingo/ or /By the Living Jingo./ Basque ³Jainko,² the Supreme
> Being. In corroboration of this derivation it may be stated that Edward
> I. had Basque mountaineers conveyed to England to take part in the
> conquest of Wales, and the Plantagenets held the Basque provinces in
> possession."
> 
> Eduardo I. erregeak euskaldunak eraman omen zituen Inglaterrara Gales-en
> konkistara.
> 
> Hemen aurkituta: 
> http://doublethinkdouble.blogspot.com/2004/12/by-jingo-what-coincidence.html
> 
> Gari
> 
> 
> _______________________________________________
> Adi gero, mezuak bidaltzeko: eibartarrak a bildua postaria.com
> 
> http://www.eibar.org/zerrenda
> 
> harpidetza eteteko: eibartarrak-leave a bildua postaria.com
> 

_______________________________________________
Adi gero, mezuak bidaltzeko: eibartarrak a bildua postaria.com

http://www.eibar.org/zerrenda

harpidetza eteteko: eibartarrak-leave a bildua postaria.com

		
---------------------------------

-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/eibartarrak/attachments/20041214/8929b40b/attachment.html>


Eibartarrak posta zerrendari buruzko informazio gehiago