[eibar] Obra handi eta finantzabideen inguruan

Gari Araolaza gari a bildua eibar.org
Ost, Abe 14, 09:43:37, CET 2005


Arrazoia dauka Amatiņok. Frogak aurkeztu gabe susmoak zabaltzea niri ere 
ez zait egokia iruditzen. Urrunera joan gabe 50 bat susmagarri dabil 
azken asteotan Madrilera autobusean joan etorrian, eta horien antzera 
beste hainbeste, bai kartzelan daudenak eta baita ETAk hildakoak ere.

Bestetik, gauza jakina da obra publiko batzuetan diru mugimenduak izaten 
direla, eta hauek bezalako obra erraldoi bati beste arrazoirik ikusi 
ezean... zer pentsatu behar du bere buruari galdera bat edo beste egiten 
dizkion herritarrak? (Lehenago esan nuen moduan, hemen gutxienez, 
komunikazioak fallatzen du)

Nik baditu beste pare bat (oinarririk gabeko) teoria esplikazio moduan 
balio dezaketenak:

Amatiņok esaten du, kaltegarriak direla jakinda dirua irabazteagatik 
proiektuak sustatzeaz akusatzen zaiola gobernuari. Ez nago ziur hori 
eratorri daitekeen Irizarren artikulutik eta agian hori gehiegi esatea 
da. Nere ustez lan haundi hauen dirdirarekin itsututa ibiltzen direla 
agintariak, eta alde negatiboak minimizatzen dituztela beraien buruetan. 
Bati baino gehiagori faraoi konplexua sartzen zaio agian, dirutzak esku 
artean ikustean, eta onuretan bakarrik pentsatzen dute itsututa.

Beste teoriaren arabera, gurpil zoro batean daude administrazioa eta 
enpresa handiak. Obra handiak egiteko enpresa handiak behar ditugu, 
eskabadora, kamioi, grua eta inbertsio handiekin dabiltzanak. Gero 
eskabadora, kamioi, grua eta horiek lana behar dute amortizatzeko, 
autobide bat bukatutakoan portu bat eta portua bukatutakoan presa bat. 
Behin ikerketa-aurrekontu-proiektu faseak hasitakoan zaila izaten da 
gelditzea, diru, hitzemate eta interes asko sartu bait dira jokuan. 
Egoera horretan agintariak tematzen dira eta ez da obra gelditzeko 
modurik izaten, nahiz eta arrazoi onenekin joan.

Baina esan dudan bezala, oinarririk gabeko teoriak dira seguruenez, nere 
pajeo mentalak.

Gari



Eibartarrak posta zerrendari buruzko informazio gehiago