[itzul] Euskalbar 1.6

[Asier Sarasua]

Egunon,

Euskalbarren bertsio berria atera dugu. Betiko helbidean daukazue:

http://www.interneteuskadi.org/euskalbar

Oraingo honen berritasun nagusiak hauek dira:

- Enter tekla sakatzean kontsultatuko diren hiztegiak zehaztu daitezke
- Hiztegiak fitxa berrietan zabaltzen ditu
- Zabalik dauden hiztegien fitxak berrerabili daitezke, alegia, 
kontsultak bata bestearen atzean egiten direnan, aukera hau aktibatuta 
badago, hiztegi bakoitzerako fitxa bakarra erabiliko da
- Bi lokalizazio sortu dira, euskarazkoa eta gaztelaniazkoa: zuen 
Firefoxa Librezaleren euskarazkoa bada, Euskalbarren interfazearen 
testuak euskaraz agertuko zaizkizue. Gaztelaniazko bertsioa badaukazue, 
gaztelaniaz ikusiko dituzue. Firefoxen euskarazko bertsioa hemendik 
jaitsi daiteke, doan:

http://www.librezale.org/mozilla/firefox

Kontu izan Euskalbarren bertsio berri honen berritasun batzuk soilik 
Firefoxen 1.5 bertsiotik aurrera funtzionatuko dutela. Beraz, 
Euskalbarra instalatu baino lehen zuen Firefoxa eguneratzea gomendatzen 
dizuegu (eguneraturik ez badaukazue).

Bestalde, Juanan Pereirak Euskalbarren kodea Googlen kode biltegian 
jarri du, nahi duen edonork begiratu, aztertu eta aldatu dezan. Hori 
bai, Euskalbar programatzeko Javascript eta XUL ikasi behar dira. 
Helbidea hau da:

http://code.google.com/p/euskalbar

Ondo izan.
---
Asier Sarasua Garmendia
Lurralde Informazioko Sistemen Arloa
Ingurugiro Gaietarako Ikastegia
E-posta: asarasua a bildua vitoria-gasteiz.org
Tfnoa: 945 162696
Web: http://cea.vitoria-gasteiz.org