[itzul] Marra Hiztegi Batuan

jabier euskara a bildua oriokoudala.com
Ost, Uzt 9, 13:30:05, CEST 2008


El 09/07/2008, a las 13:08, karlos_del_olmo a bildua donostia.org escribió:

> Baten batek badaki, argiro, zein diren arauak edo irizpideak marra  
> jartzeko
> orduan? Hau da, "esku-hartze", baina "habitu(-)hartze", "parte(-) 
> hartze"...
> Jabetzan dudan neurona bakarra lehertu beharrean daukat arau mailako
> hiztegiko tripak ikasi guran!

Erantzunik ez daukat, Karlos; baina zurea egoki-egoki datorkit,  
plazaratzeko atzo bertan sortu zitzaidan zalantza bat, marratxoarekin  
zerikusia duena:

'arrantza-ontzi' ematen du Hiztegi Batuak eta ez 'arrantza(-)ontzi'.  
Mota horretako hitz elkarketetan (hitz-elkarketetan?) marratxoa  
erabiltzearen aldeko zantzutzat hartu behar da, ala hitz pare jakin  
horri baizik ez dagokio?

Bidenabar, Sarasolaren Euskal Hiztegiak 'arrantza ontzi' proposatzen  
du, marratxorik gabe.

Niri ere, Karlos, oso nahasgarri egiten zait marratxoaren inguruan  
daukagun araudia.

Ondo-ondo bizi.

Jabier Zabaleta
Orioko Udaleko euskara teknikaria
943 83 03 46

__________________

E-mail helbide berria: euskara a bildua oriokoudala.com






ItzuL posta zerrendari buruzko informazio gehiago