[itzul] Falange/Falangea

[Gotzon Egia]

> Zuen ustez zelan jokatu behar da: Falange ala Falangea? Egun hauetan han 
> eta hemen begiratu dut ea zelan erabiltzen den eta denetarik topatu dut 
> (berria, eitb, google...). Izen berezien antzera jokatu (Falange, 
> Falangek, Falangeri, Falangeren...) ala artikulua erantsita (Falangea, 
> Falangeak, Falangearen, Falangeari...), that is the question.

Jo dezagun dena delako «Organización política, generalmente de signo 
autoritario y estructura paramilitar» (DRAEk hirugarren adieran 
definitzen duen eran) hori «Frente Unido» deitzen dela. Nekez egingo 
genuke euskaraz «Frente Unido-ak...»; «Frente Unido-k...» gailenduko 
litzateke.

Aldiz, erabileraren erabileraz, «el Frente...» bihurtuko balitz, hor 
hasiko ginateke, ziurrenik, «Frontea» idazten.

Izen propio bat izen arrunta balitz bezala tratatzea ez da harrigarria 
gazteleraz. Aitzitik, uste dut euskaraz izen bereziek ez dutela izaera 
hori hain erraz galtzen. Aurreko adibidean, «Fronteak adierazi du...» 
idatziko genuke, izen arrunta ere izan daitekeelako, eta «Frontek 
adierazi du...» harrigarria litzatekeelako. Aldiz, «Falange»-ren kasua 
bestelakoa da, euskaraz izen arrunt hori (falange: infanteria astuneko 
kidegoa, greziar armadaren indar nagusia) ez baita batere arrunta.

-- 
Gotzon Egia
gegia a bildua gipuzkoa.net
43º 19' 13.5" N 1º 57' 50.4" W