<html>

<body>

Urte berri on guztioi!<br>

(Hori, ezer baino lehen, jakina) Eta, bestetik, ez dakigu zergatik ez den

mezurik ere _ItzuL_eratu San Silbestre bezperaz geroztik, baina, izan

bitxia behintzat bada.<br>

Gure sistemak ez ote du mezurik jasotzen...? Gaupasak horren

beldurgarriak izan ote dira...?<br>

Edonola ere, kontsulta puntuala baino zerbait gehiagorekin gatoz,

zerrendan horrenbeste (a)buru izanik, urtea bete baino lehen gaiaren

gainean argia egiteko gauza izango garelakoan.<br>

Eta lot gatzaizkion gaiari... auzia _ilustratzeko_ edo, euskararen

BERRIPAPERAren 151. alean EIZIEri buruzko aipamena baina egokiagorik

aurkitu ez, eta horixe erabiliko dugu.<br><br>

Adibidea:<br>

Hogei urte bete ditu, Euskal Itzultzaile, Zuzentzaile eta Interpreteen

(EIZIE) <b><i>Senez</i></b> aldizkariak.<br><br>

Hor erabili den ordena-->   Erakundearen Izena[atzizkia]

(SIGLA) ....<br>

baino konbinazio erabilgarriagorik izango al da?<br>

Ziur gara hamaika buruhauste eragiten diola horrek gutariko gehiengoari,

guztioi ez esatearren, horrelakoak idatzi behar ditugun bakoitzean.<br>

Zein litzateke ordena aproposa? Zer konbentzio hautsi behar genuke bide

egokia aurkitzeko? Horren aldrebes al litzateke honako beste ordena

hau?:<br><br>

(SIGLA) Erakundearen Izena[atzizkia]<br><br>

Kezkatzen al du inor arazo honek? Ez al zaio inori arazo iruditzen?<br>

Nagiak astindu eta urteko lehen astelehenari "buelta" emango

diozuelakoan, agur t'erdi.<br><br>

Iñaki<br>

BITEZ LOGOS</body>

</html>