<!DOCTYPE HTML PUBLIC "-//W3C//DTD HTML 4.0 Transitional//EN">
<html>
<head>
<meta http-equiv="Content-Type" content="text/html; charset=iso-8859-1">
<meta content="MSHTML 6.00.2800.1649" name="GENERATOR">
</head>
<body>
<div dir="ltr" align="left"><strong><span class="257211709-12022013">Orduan, zertan gabiltza 'jatetxe' jartzen duten tabernari guztien atzetik segika? Xeheteria hutsean? Gogora datorkit zeraren zer hura, baduela</span></strong><em> itsasoak bere xedea, bere
marra, bere mugarria eta zedarri iakina, zein <br>
baita itsasertz eta kostako sablea, hondarra, harea eta legarra<span class="257211709-12022013">.
</span></em></div>
<div dir="ltr" align="left"><em><span class="257211709-12022013"></span></em> </div>
<div dir="ltr" align="left"><span class="257211709-12022013">begoņa azpiri</span></div>
<br>
<div class="OutlookMessageHeader" lang="es" dir="ltr" align="left">
<hr tabindex="-1">
<font face="Tahoma" size="2"><b>De:</b> Patxi Petrirena [mailto:petrirena@gmail.com]
<br>
<b>Enviado el:</b> asteartea, 2013.eko otsailak 12 10:03<br>
<b>Para:</b> ItzuL<br>
<b>Asunto:</b> ***BULK*** Re: [itzul] Arraun etxe ala Arraun etxea?<br>
</font><br>
</div>
<div></div>
Bigarren itzulia?<br>
<br>
Galdera irakurri nuenean, esan nuen bi sailetako izenak ezagutzen ditugula: "etxe" amaierakoak eta "etxea" amaierakoak. Ez daukat ezer, jakina, "Arraun Etxea (-a)" izenaren kontra. Baina gogorarazi nahi nuen euskarazkoa dela beste aukera ere, artikulurik gabekoa,
oso oker ez banago.<br>
<br>
Izen batzuk bilatu ditut Nafarroako Toponimia Ofiziala eta Gipuzkoako Datu Espazialen Azpiegitura webguneetan. Asko dira "etxea" amaierakoak, nola ez, baina badira "etxe" amaierakoak ere.<br>
<br>
<a href="http://toponimianavarra.tracasa.es/Default.aspx?lang=eus" target="_blank">
http://toponimianavarra.tracasa.es/Default.aspx?lang=eus</a><br>
<br>
<a href="http://b5m.gipuzkoa.net/web5000/" target="_blank">http://b5m.gipuzkoa.net/web5000/</a><br>
<br>
Nafarroakoan ("etxe" eta "etx" amaierak bilatuta), hor ditugu, esaterako: Xukiletx (Baztan), Etuletx (Esteribar), Artetxe (Arano), Auntzetxe (Bakaiku, Ziordia, Altsasu eta Etxarri Aranatz), Beitikoetxe (Baztan), Kandeletxe (Leitza)…<br>
<br>
Gipuzkoakoan, lehenbiziko banaka batzuk hartuta: Abeletxe (Zizurkil), Abatetxe (Elgoibar), Aginetxe (Azpeitia), Agirretxe (Errezil)…<br>
<br>
Pentsatzen dut, bestalde, izen berezietan osagai arruntek beti gorde behar balute artikulua ez genukeela ezagutuko -soro, -egi, edo -bizkar amaierako toponimorik, bakar batzuk aipatzeagatik, ez?<br>
<br>
Xabier Aristegietaren galderarentzat, ez dut erantzunik: "Eusko Tren izen egokia da?". Ez dut inola ere irudikatzen "Bidasoko Tren" izena, esate baterako; hori egia da.<br>
<br>
Baina egia da, halaber, txoko bat bataiatzeko "Mindegi" eta "Mindegia" izenak ibili ditudala buruan (oraintxe konturatu naiz, kasualitatez), eta lehenbizikoa aukeratu dudala (aurkitu ditut lekukotasunak, jakina).<br>
<br>
Egun ona izan!<br>
<br>
Patxi <br>
<br>
<div class="gmail_quote"><span></span><br>
</div>
</body>
</html>