<div dir="ltr"><div><div>Xabier:<br></div><div><br></div><div>Honela diozu: "hitz horien kasuan "e" hori galtzearen aldeko argudioa da". Ez dut uste inork horrela argudiatu duenik <i><i>kontrarreforma </i></i>edo<i><i> </i>turborreaktore</i> modukoak erabiltzea. Hain zuzen ere, alderantzizkoa da arazoibidea: proposamena da berez hitz-hasierako fenomeno <i>r</i>- -> <i>err</i>- aldaketa ez tartekatzea kutura-erro batez hasten diren eta erro horren jarraian -<i>r</i>- duten maileguetan. Ez naiz aditua fonetikan eta fonologian, baina, oker ez banaiz, hitz hasierako fenomenoa da <i>r</i>- hasierako erdal hitzei <i>e</i>- epentetikoa gehitzea eta, beraz, hitz-hasiera <i>err</i>- izatea (edo, mailegu zaharretan, <i>a</i>- ere bai, eta hasiera<i> arr</i>-).<br>


<br></div><div>Horixe da <i>kontrarreforma</i> eta antzekoen logika. Nire ustez, aski sendoa.<br><br></div><div><i>kontraerreforma</i>ren logika, lehen azaldu dudanez, <i>kontra+erreforma</i>
 euskal erabide beregainarena litzateke. Dena da posible eta onargarri, 
ez dut ukatuko, baina niri iritzia da "berringeniaritza" egiten dela 
hor. Mailegatze hutsa den fenomenoa bat beste era batera planteatu nahi 
izatea. Errealitatean ez da horrelakorik gertatzen. Erdal hitza kit oso 
baten gisa heltzen zaigula uste dut. Kontrasterako, <i>sasierrealismo</i> modukoak aztertu. Ez dut uste inork <i>sasirrealismo</i> proposatuko lukeenik. Hor, euskal aurrizki bat gehitzen zaio <i>err</i>-
 hasiera duen mailegu bati. Kalkotik gertukoak izan daitezke 
horrelakoak, konforme, baina euskaraz eratuak dira, ez mailegatuak.<br>
<br></div>Defenditu dudanak ez du ukatzen "auto-, kontra- edo dena 
delako aurrizkiaren bitartez hitz berriak sortzearen baliabidea". Ni ere
 ezin naiz baieztapen horrekin ados egon, baina euskararen ahalmen hori 
mailegatze-fenomeno batean ezartzea mailegatzea bera ukatzea eta 
eratortze bihurtzea da, nire ustez, artifizialki. Eta, berriz diot, 
defenditu dudan ikuspegiak ez du baliabide edo ahalmen hori ukatzen, 
inolaz ere ez, eta exoelkarteen multzo ugaria dugu horren erakusgarri: 
lehena, <i>exoelkarte</i> bera!! Beste batzuk: <i>kontraproposamen, supereroale, turbosorgailu, ultramore</i>...<br><br></div>Antton<br></div>