<html>
<head>
<meta content="text/html; charset=utf-8" http-equiv="Content-Type">
</head>
<body bgcolor="#FFFFFF" text="#000000">
<div class="moz-cite-prefix">Lagungarria delakoan
(<a class="moz-txt-link-freetext" href="http://www.euskaltzaindia.eus/index.php?option=com_jagonet&view=galdera&Itemid=423&lang=eu&id=521">http://www.euskaltzaindia.eus/index.php?option=com_jagonet&view=galdera&Itemid=423&lang=eu&id=521</a>):<br>
<br>
Jagonet galde-erantzunak:<br>
<div class="jagonetQuestion">
<h3>Galdera</h3>
<p>Zein da egokiagoa, "jakin dakit" ala "jakin badakit"?<br>
</p>
</div>
<h3>Erantzuna</h3>
<p>Teorian behintzat, <i>jakin dakit</i> eta <i>jakin badakit</i>
ez dagozkio egitura berari. Lehen kasuan aditza galdegai gisa
hanpatua da; eta bigarrenean, mintzagai gisa.<br>
Egia esan, aditza modu horretan adizkera trinkoekin galdegai
gisa hanpatzea itzuli markatua da eta gutxitan baliatua,
bereziki jakin aditzarekin; adibide gutxi dira <i>Orotariko
Euskal Hiztegia</i>ren literatura korpusean. Hona biga:<br>
- Azkengabe jakintsu ta egiaren iturri zeran jaun aundi orrek,
gauza guztiak <b>ezagun dezaguzkizu</b> ta egi guztiak <b>jakin
dakizkizu</b> (Izenik gabea, <i>Gasteizko elizbarrutiko
katixima</i>).<br>
- Arras erreza ei zan izarren egitea eta <b>jakin zekian</b>
berak, bainan orduan lan egin behar zuan (Oskillaso, <i>Kurloiak</i>)<br>
Aditza mintzagai gisa hanpatzea, berriz (alegia, <i>jakin
badakit</i>), egungo euskaran bederen, errazago egiten dela
dirudi.<br>
</p>
<span class="bullet bullet-date"><strong>Data</strong>: 2001/05/25<br>
</span> <span class="bullet bullet-author"><strong>Erantzulea</strong>:
Beñat Oihartzabal <br>
<br>
<br>
</span><br>
2016/09/22 14:05(e)an, Amaia Apalauza igorleak idatzi zuen:<br>
</div>
<blockquote
cite="mid:CAHSLYG8j4xoiTSuqaYjmJCjkt6zioPbTj9wcMmeeX49KO4YtYQ@mail.gmail.com"
type="cite">
<div dir="ltr">
<h4 class="gmail-titularra gmail-laburtua"><span
style="font-weight:normal">Baina, esate baterako, hona <i>jakin
badakit</i>-en adibide batzuk, Googletik hartuak:</span><br>
</h4>
<h4 class="gmail-titularra gmail-laburtua">(1) Kolpea eman dut,
baina <u>jakin badakit</u> egun batean guztia gal dezakedala.</h4>
<p><b>(2) <u>Jakin badakit</u> Afrika urrun geratzen zaiola
jendartearen gehiengoari, <u>badakit</u> klixe asko izan
ditzakegula, kontinenteaz hitz egiten dugunean ere zurdaki
lodiaz egin ohi dugula gehiegitan...</b></p>
<p><b>(3) Agian <em>uharte</em> hitza potoloegia da. <u>Badakit</u>
gaztelaniazko komunikabide batean ari naizela, eta <u>jakin
badakit</u> han albiste garrantzitsu denak erdaraz emango
dituztela. Baina, aldi berean, egunkari hori toki askotara
iristen da eta horrek idazten dudanaren erantzule egiten
nau.</b></p>
<p>Beharrezkoak/zuzenak al dira halakoak? Bigarren eta
hirugarren adibideetan, zer dela-eta <i>jakin badakit</i>
batzuetan eta <i>badakit </i>beste batzuetan? Zer alde dago
bion artean?</p>
<p>Eskerrik asko<br>
</p>
</div>
<div class="gmail_extra"><br>
<div class="gmail_quote">Jesus Zabaleta<span dir="ltr"><<a
moz-do-not-send="true"
href="mailto:josuzabaleta@gmail.com" target="_blank">josuzabaleta@gmail.com</a>></span>
igorleak hau idatzi zuen (2016(e)ko irailak 22 13:32):<br>
<blockquote class="gmail_quote" style="margin:0 0 0
.8ex;border-left:1px #ccc solid;padding-left:1ex">Gure
artean, Leinz bailarakoek nola hitz egiten zuten imitatuz,
honela esaten genuen:<br>
<br>
Ba omen ziren Eskoriatzako bi, eta beste bat urruti samar
ikusirik, batek besteari esan omen zion:<br>
<br>
Hori zer? Eon jaok, etorri jatok, ala fan joiak.<br>
<br>
Balio badizue…<br>
<br>
Josu Zabaleta.<br>
<div class="HOEnZb">
<div class="h5"><br>
<br>
El 22/09/2016, a las 11:41, Irene Aldasoro <<a
moz-do-not-send="true"
href="mailto:ialdasoro@euskalnet.net">ialdasoro@euskalnet.net</a>>
escribió:<br>
<br>
> kaixo, Amaia:<br>
><br>
> Nik ez dut uste hanpadura-kontua edo apaingarria
denik (edo izan denik, behintzat), baizik eta baduela
bere zentzua honelako esaldietan, adibidez :<br>
><br>
> Jakin, badakit; beste kontu bat da kasurik egiten
diodan<br>
> Egon, badago, baina ez dizut eman nahi.<br>
> Izan, bada, nonbait: begiratuko dut ea aurkitzen
dudan.<br>
><br>
> Norbaitek azalpen teknikoagoa emango ahal dizu!<br>
><br>
> Besarkada bat<br>
><br>
> Irene Aldasoro<br>
> ----- Original Message -----<br>
> From: Amaia Apalauza<br>
> To: Itzul<br>
> Sent: Thursday, September 22, 2016 10:58 AM<br>
> Subject: [itzul] Jakin badakit, egon badago...<br>
><br>
> Egun on:<br>
> Halako egiturak barra-barra erabiltzen dira gaur
egungo testugintzan, baina iruditzen zait apaingarri
gisa erabiltzen direla askotan.<br>
> Ez nago ziur, baina esango nuke aditzari
nolabaiteko indarra emateko edo aditza hanpatzeko
erabiltzen direla, baina aditzari ba- eranstea ez al da
nahikoa aditza hanpatzeko? Hau da, zer alde dago jakin
badakit-etik badakit-era?<br>
> Eskertuko nuke norbaitek kontua argitzea.<br>
> Ongi izan!<br>
<br>
<br>
</div>
</div>
</blockquote>
</div>
<br>
</div>
</blockquote>
<p><br>
</p>
</body>
</html>