<html>
<head>
<meta http-equiv="Content-Type" content="text/html; charset=utf-8">
<style type="text/css" style="display:none;"> P {margin-top:0;margin-bottom:0;} </style>
</head>
<body dir="ltr">
<div style="font-family: Calibri, Helvetica, sans-serif; font-size: 12pt; color: rgb(0, 0, 0);">
Mila esker, Alfontso, azalpenagatik eta argudioengatik.</div>
<div>
<div id="appendonsend"></div>
<div style="font-family:Calibri,Helvetica,sans-serif; font-size:12pt; color:rgb(0,0,0)">
<br>
</div>
<hr tabindex="-1" style="display:inline-block; width:98%">
<div id="divRplyFwdMsg" dir="ltr"><font face="Calibri, sans-serif" color="#000000" style="font-size:11pt"><b>Nork:</b> a.mujika=elhuyar.eus@mgeu.postaria.com <a.mujika=elhuyar.eus@mgeu.postaria.com> honen izenean: Alfontso Mujika Etxeberria <a.mujika@elhuyar.eus><br>
<b>Bidaltze-data:</b> 2020(e)ko abenduaren 20(a), igandea 22:54<br>
<b>Nori:</b> ItzuL <itzul@postaria.com><br>
<b>Gaia:</b> Re: [itzul] Tiletak eta beste zeinu diakritikoak</font>
<div> </div>
</div>
<div>
<div dir="ltr">
<div class="x_gmail_default" style="font-size:small">
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
<<i>Irizpide hau behar bezain koherentea iruditzen al zaizue?</i>> da galdera. Nire iritziz, ez, irizpide hori ez da behar bezain koherentea.<span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
Koherentzia absolutuari dagokionez, uste dut aukera koherente bakarrak bi direla: zeinu diakritikorik bat ere ez erabiltzea, eta zeinu diakritiko guztiak erabiltzea.<span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
Zeinu diakritikorik bat ere ez erabiltzea koherentea da, baina, nire ustez, desegokia.<span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
Testu jaso batean, eta presarik gabe eta arazo tipografikorik gabe (hori argudia lezake egunkari batek, adibidez), zein da arrazoia kanpoko pertsona-izenen grafia aldatzeko?<span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
Euskaraz ari garelako eta gure hitzetan erabiltzen ez ditugun zeinuak daudelako? Arrazoi hori aipa genezake, orduan, gaztelaniaz idazten dugunean gaztelaniak ez dituen beste hizkuntzetako diakritikoak ez erabiltzeko, edo, frantsesez idazten dugunean, frantsesak
ez dituen beste hizkuntzetako diakritikoak ez erabiltzeko. Eta ingelesez, beraz, diakritikorik ez dutenez, beste hizkuntzetako izenetan dauden diakritikoak ez lituzkete erabili behar kanpoko pertsonen izenak idaztean.<span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
Baina errealitatea ez da hori. Gaztelaniaz, beste hizkuntzetako pertsona-izenetako diakritikoak (diakritiko ezagunak, ingurukoak, ohikoak) idatzi egin
<span> </span>behar dira (hori da araua); frantsesez ere beste hizkuntzetako diakritikoak (diakritiko ezagunak, ingurukoak, ohikoak) idaztea gomendatzen dute. Eta ingelesez, akademiarik ez badute ere, diakritikoak idaztea gomendatzen dute estilo-liburuek.<span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
Hori da joera nagusia hala gure bi auzo-erdaretan nola nazioartean, oro har. Nik nazioarteko joera eta bide nagusietan ikusi nahi dut euskara (hizkuntzen arteko begirunean). Horregatik uste dut ezen, grafia egokitzen ez bada, diakritikoak idaztea dela zentzuzkoena
(eta grafia noiz egokitzen den, salbuespenak zein diren, aski garbi adierazita dago Euskaltzaindiaren 186. arauan:
<span> </span><i>Atzerriko pertsona-izenak. Grafia-irizpideak. Errege-erreginen eta kidekoen kasua</i>).<span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
Euskaltzaindiak ez du, oraindik behintzat, arau edo gomendio espliziturik eman, baina bide horretan urrats batzuk emanak ditu dagoeneko. Luze joko luke hori azaltzen hasiko banintz, baina hona hemen datu bat, partziala bada ere: 2019an,
<i><span>Kale eta karrika izenak hautatzeko eta idazteko irizpideak</span></i><span> liburuxka argitaratu zuen Euskaltzaindiko Onomastika batzordeak, eta irizpide hau eman zuen:<span></span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
<span style="font-size:12pt; line-height:107%">-------------------------------------------------------------</span><span></span></p>
<p class="x_gmail-Pa26" style="margin:0cm 7pt 0cm 0cm; text-align:justify; line-height:115%; font-size:12pt; font-family:"Minion Pro",serif">
<b><span style="font-size:11pt; line-height:115%; color:black">Izena Euskal Herriko pertsona batena ez denean<span></span></span></b></p>
<p class="x_gmail-Pa0" style="margin:5pt 7pt 0.0001pt 0cm; text-align:justify; line-height:115%; font-size:12pt; font-family:"Minion Pro",serif">
<span style="font-size:10.5pt; line-height:115%; color:black">Euskal Herriaz kanpoko pertsonen izen-deiturak dagokien grafiaz idaztekoak dira, zeinu diakritikoak barne.<span></span></span></p>
<p class="x_MsoNormal" style="margin:0cm 7pt 8pt 0cm; line-height:115%; font-size:11pt; font-family:"Calibri",sans-serif">
<span style="font-size:10.5pt; line-height:115%; font-family:"Minion Pro",serif; color:black">Adibideak:
</span><span style="font-size:10.5pt; line-height:115%; font-family:"Myriad Pro Cond",sans-serif; color:black">(…)</span><span style="font-size:10.5pt; line-height:115%; font-family:"Minion Pro",serif; color:black">,
</span><b><span style="font-size:10.5pt; line-height:115%; font-family:"Myriad Pro Cond",sans-serif; color:black">José</span></b><span style="font-size:10.5pt; line-height:115%; font-family:"Myriad Pro Cond",sans-serif; color:black"> San
<b>Martín</b> kalea</span><span style="font-size:10.5pt; line-height:115%; font-family:"Minion Pro",serif; color:black">,
</span><span style="font-size:10.5pt; line-height:115%; font-family:"Myriad Pro Cond",sans-serif; color:black">Rigoberta
<b>Menchú</b> kalea</span><span style="font-size:10.5pt; line-height:115%; font-family:"Minion Pro",serif; color:black">,
</span><b><span style="font-size:10.5pt; line-height:115%; font-family:"Myriad Pro Cond",sans-serif; color:black">Hernán</span></b><span style="font-size:10.5pt; line-height:115%; font-family:"Myriad Pro Cond",sans-serif; color:black">
<b>Cortés</b> plaza</span><span style="font-size:10.5pt; line-height:115%; font-family:"Minion Pro",serif; color:black"> (…),
</span><b><span style="font-size:10.5pt; line-height:115%; font-family:"Myriad Pro Cond",sans-serif; color:black">Rosalía</span></b><span style="font-size:10.5pt; line-height:115%; font-family:"Myriad Pro Cond",sans-serif; color:black"> de Castro kalea</span><span style="font-size:10.5pt; line-height:115%; font-family:"Minion Pro",serif; color:black">,
</span><span style="font-size:10.5pt; line-height:115%; font-family:"Myriad Pro Cond",sans-serif; color:black">(…) Francesc
<b>Macià</b> kalea</span><span style="font-size:10.5pt; line-height:115%; font-family:"Minion Pro",serif; color:black"> (…),
</span><span style="font-size:10.5pt; line-height:115%; font-family:"Myriad Pro Cond",sans-serif; color:black">Francisco
<b>Tomás</b> y Valiente kalea</span><span style="font-size:10.5pt; line-height:115%; font-family:"Minion Pro",serif; color:black"> (…)
</span><b><span style="font-size:10.5pt; line-height:115%; font-family:"Myriad Pro Cond",sans-serif; color:black">Bartolomé</span></b><span style="font-size:10.5pt; line-height:115%; font-family:"Myriad Pro Cond",sans-serif; color:black"> de las Casas kalea</span><span style="font-size:10.5pt; line-height:115%; font-family:"Minion Pro",serif; color:black">
…</span><span style="font-size:12pt; line-height:115%"><span></span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
<span style="font-size:12pt; line-height:107%">-------------------------------------------------------------<span></span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
<span>Azken ohartxo bat (zehazte aldera, besterik gabe):<span></span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
<span><</span><i>Aldiz, zenbait erakundek guztiz ezabatzen dituzte zeinu diakritikoak (Berriak, EITBk, Harluxet Entziklopediak</i>…).<span>><span></span></span></p>
<p class="x_MsoNormal" style="margin:0cm 0cm 8pt; line-height:107%; font-size:11pt; font-family:"Calibri",sans-serif">
<span>Harluxet Entziklopedia</span><span>k zeinu diakritikoak guztiz ezabatzen dituelako baieztapena ez da zuzena.</span><span></span></p>
</div>
<div>
<div dir="ltr" class="x_gmail_signature">
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<div>
<div dir="ltr">
<p style="font-size:12.8px"><br>
</p>
<div>
<table style="font-size:12.8px">
<tbody>
<tr>
<td>
<table width="230" cellspacing="7" cellpadding="0">
<tbody>
<tr>
<td><font style="color:rgb(58,117,196); font-family:Helvetica,Arial,sans-serif; font-size:12px"><b>Alfontso Mujika Etxeberria</b>
<br>
<font color="#666666">ITZULPENAK, ZUZENKETAK ETA TREBAKUNTZA<br>
</font></font><br>
</td>
</tr>
<tr>
<td><a href="https://es.linkedin.com/company/elhuyar-fundazioa" target="_blank"><img alt="https://es.linkedin.com/company/elhuyar-fundazioa" width="24" height="24" border="0" style="margin-right:5px" src="https://www.elhuyar.eus/info/sinadura/elh-LINKEDIN.png"></a><a href="https://twitter.com/elhuyarhizk" target="_blank"><img alt="" width="24" height="24" border="0" style="margin-right:5px" src="https://www.elhuyar.eus/info/sinadura/elh-TWITTER.png"></a><a href="https://www.youtube.com/user/ElhuyarFundazioa1" target="_blank"><img alt="" width="24" height="24" border="0" style="margin-right:5px" src="https://www.elhuyar.eus/info/sinadura/elh-YOUTUBE.png"></a><a href="https://es-es.facebook.com/elhuyar.fundazioa" target="_blank"><img alt="" width="24" height="24" border="0" style="margin-right:5px" src="https://www.elhuyar.eus/info/sinadura/elh-FACEBOOK.png"></a></td>
</tr>
<tr>
<td><a href="https://www.elhuyar.eus/eu/site/komunitatea/negozio-unitatea/hizkuntza-eta-teknologia" target="_blank"><img src="https://www.elhuyar.eus/info/sinadura/elh-hizkuntza.png"></a></td>
</tr>
<tr>
<td><font color="#666666" style="font-family:Helvetica,Arial,sans-serif; font-size:12px"></font><font color="#666666" style="font-family:Helvetica,Arial,sans-serif; font-size:12px"><a href="mailto:a.mujika@elhuyar.eus" target="_blank" style="color:rgb(102,102,102); text-decoration:none"><b>a.mujika@elhuyar.eus</b></a> <br>
Tel.: 943363040 | luzp.: 217<br>
</font><br>
<font color="#666666" style="font-family:Helvetica,Arial,sans-serif; font-size:12px">Zelai Haundi, 3
<br>
Osinalde industrialdea<br>
20170 Usurbil </font><a href="http://www.elhuyar.eus" target="_blank" style="color:rgb(58,117,196); text-decoration:none"><br>
</a><font color="#3a75c4" style="font-family:Helvetica,Arial,sans-serif; font-size:12px"><b><span></span></b><b></b></font></td>
</tr>
<tr>
<td><a href="http://hiztegiak.elhuyar.eus/bazkidetza" target="_blank"><br>
</a><a href="https://itzultzailea.eus" target="_blank"><img alt="https://itzultzailea.eus" width="420" height="128" src="https://docs.google.com/uc?export=download&id=17WVpCVo0-0Vwzdnv9xI_43h2ed1iHAOM&revid=0BxAP1nKY2GBVSUlQWWpFbHY0cGlZS1hFemN6M1o2bm5kRC80PQ"></a><br>
</td>
</tr>
</tbody>
</table>
<br>
<table>
<tbody>
<tr>
<td>
<p class="x_MsoNormal" style="text-align:justify; margin:0cm 0cm 0.0001pt; font-size:12pt; font-family:"Times New Roman",serif">
<span lang="EU" style="font-size:9pt; font-family:MetaPro-Bold,sans-serif; color:gray; background-image:initial; background-position:initial; background-repeat:initial">Mezu elektroniko honek INFORMAZIO KONFIDENTZIALA DU, ETA DEBEKATUTA DAGO INFORMAZIO HORI
ZABALTZEA. Akats baten ondorioz jaso baduzu eta hartzailea zu ez bazara, mesedez, deitu 943363040 telefonora, eta ez zabaldu, gorde edo kopiatu mezu honen edukirik.</span></p>
<p class="x_MsoNormal" style="text-align:justify; margin:0cm 0cm 0.0001pt; font-size:12pt; font-family:"Times New Roman",serif">
<span lang="EU" style="font-size:9pt; font-family:MetaPro-Bold,sans-serif; color:gray; background-image:initial; background-position:initial; background-repeat:initial"> </span></p>
<span lang="EU" style="font-size:9pt; font-family:MetaPro-Bold,sans-serif; color:gray; background-image:initial; background-position:initial; background-repeat:initial">Zure datu pertsonalak, zeinak ager baitaitezke mezu elektroniko honetan edo atxikitako dokumentazioan,
ELHUYAR FUNDAZIOA entitateak tratatzen ditu, aldeen arteko harreman juridikoa kudeatzeko. Zure datuak tratatzearen kontra egin nahi baduzu, datuetara sartu nahi baduzu, haiek zuzendu edo ezabatu nahi badituzu, edo datuak babesteari buruzko araudi aplikagarrian
jasotako eskubideak baliatu nahi badituzu, idatzi helbide elektroniko honetara: </span>
<span lang="EU" style="font-size:9pt; font-family:MetaPro-Bold,sans-serif"><a><span style="color:rgb(0,112,192); background-image:initial; background-position:initial; background-repeat:initial">datuensegurtasuna@elhuyar.eus.</span></a></span></td>
</tr>
<tr>
<td><font size="1" color="green" style="font-family:Helvetica,Arial,sans-serif">Ez inprimatu mezu hau ezinbestekoa ez bada.</font></td>
</tr>
</tbody>
</table>
</td>
</tr>
<tr>
<td><br>
</td>
</tr>
<tr>
<td><br>
</td>
</tr>
</tbody>
</table>
<table style="font-size:12.8px">
<tbody>
<tr>
<td></td>
</tr>
</tbody>
</table>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
</div>
<br>
</div>
<br>
<div class="x_gmail_quote">
<div dir="ltr" class="x_gmail_attr">Hau idatzi du agustin mendizabal (<a href="mailto:agusmendi@hotmail.es">agusmendi@hotmail.es</a>) erabiltzaileak (2020 abe. 19, lr. (17:51)):<br>
</div>
<blockquote class="x_gmail_quote" style="margin:0px 0px 0px 0.8ex; border-left:1px solid rgb(204,204,204); padding-left:1ex">
<div dir="ltr">
<div style="font-family:Calibri,Helvetica,sans-serif; font-size:12pt; color:rgb(0,0,0)">
<p class="x_MsoNormal" style="margin:12pt 0cm 0.0001pt; text-align:justify; text-indent:0cm; line-height:115%; font-size:11pt; font-family:Calibri,sans-serif">
<span lang="EU">Musikari buruzko liburu bat eta artikulu batzuk itzultzen ari naiz, eta abizenetan azentu grafikoa erabili edo ez erabili zalantza daukat. Bi irizpideren arteko konbinaziotik zenbait ondorio ateratzen ditut.<u></u> <u></u></span></p>
<p class="x_MsoNormal" style="margin:12pt 0cm 0.0001pt; text-align:justify; text-indent:0cm; line-height:115%; font-size:11pt; font-family:Calibri,sans-serif">
<span lang="EU">Batetik, testu jasoa / ez-jasoa kontrajartzea dugu.<u></u> <u></u></span></p>
<p class="x_MsoNormal" style="margin:12pt 0cm 0.0001pt; text-align:justify; text-indent:0cm; line-height:115%; font-size:11pt; font-family:Calibri,sans-serif">
<span lang="EU">Bestetik, etxekotua / ez-etxekotua kontrajartzea. Euskaltzaindiaren Eskuliburuaren (ez dakit urtea) eta Jagoneten (2013an) arabera, etxekotua / ez-etxekotua kontrajartzea kontuan hartu beharrekotzat jotzen da. Aldiz, zenbait erakundek guztiz
ezabatzen dituzte zeinu diakritikoak (Berriak, EITBk, Harluxet Entziklopediak…).<u></u> <u></u></span></p>
<p class="x_MsoNormal" style="margin:12pt 0cm 0.0001pt; text-align:justify; text-indent:0cm; line-height:115%; font-size:11pt; font-family:Calibri,sans-serif">
<span lang="EU">Alfontso Mujika eta Santi Leoné zeinu diakritikoak uztearen alde agertzen dira 31 eskutikeko artikuluetan.<u></u> <u></u></span></p>
<p class="x_MsoNormal" style="margin:12pt 0cm 0.0001pt; text-align:justify; text-indent:0cm; line-height:115%; font-size:11pt; font-family:Calibri,sans-serif">
<span lang="EU">Gauzak horrela, euskal abizenak ez direnetan nik irizpide hau hartu dut, nire itzulpenak testu jasoak direla kontuan hartuz:<u></u> <u></u></span></p>
<ul style="margin-bottom:0cm">
<li><span lang="EU">Testu nagusian, espainierazko etxekotutako abizenak tiletik gabe idaztea (Catalan, Garcia, Perez, Gonzalez, -ez bukatutako guztiak…)<u></u> <u></u></span></li><li><span lang="EU">Bibliografian, aldiz, autore bakoitzak erabilitakoa uztea (Pérez, edo dena dela), hori baita aipatutako iturriaren erreferentzia jatorra.<u></u> <u></u></span></li><li><span lang="EU">Etxekotu gabeko zenbait abizenetan, zeinu diakritikoak uztea:
<u></u> <u></u></span></li><ul style="margin-bottom:0cm">
<li><span lang="EU">Gure inguruan neurri batean ohikoak izan arren: Miró, Barnés, Morrás (Morrásena), Martí…
<u></u> <u></u></span></li><li><span lang="EU">Gure inguruan ohikoak ez direnak: Villéhélio, Leoš Janáček, Béla Bartók, Edmond Jabès, Herné, Bertoré…<u></u> <u></u></span></li></ul>
<li><span lang="EU">Aragues (Aragüés) tiletik gabe, joera orokorra hori dela ikusi baitut.<u></u> <u></u></span></li></ul>
<p class="x_MsoNormal" style="margin:12pt 0cm 0.0001pt; text-align:justify; text-indent:0cm; line-height:115%; font-size:11pt; font-family:Calibri,sans-serif">
<span lang="EU">Irizpide hau behar bezain koherentea iruditzen al zaizue? Aipatu ditudan iturriak 2013-2014 ingurukoak direla kontuan hartuta, gaur egun zer bide hobesten dela dirudi?<u></u> <u></u></span></p>
<p class="x_MsoNormal" style="margin:12pt 0cm 0.0001pt; text-align:justify; text-indent:0cm; line-height:115%; font-size:11pt; font-family:Calibri,sans-serif">
<span>Eskerrik asko.</span><u></u> <u></u></p>
<br>
</div>
</div>
</blockquote>
</div>
</div>
</div>
</body>
</html>