<div dir="ltr"><div><i>De base</i>rekin esan nahi dena argitu beharko litzateke lehenago.</div><div><br></div><div>Zehaztapen gehiagoren esperoan, niri printzipioz ez zait oso egokia iruditzen <i>oinarrizko</i> hori <i>de base</i> adierazteko.</div><div><br></div><div><i>Oinarrizko</i> erabiltzen dugu <i>elemental, fundamental, básico</i> adierazteko. Alegia, dena delako jardunaren nolakotasuna ez dela maila garatuenera iristen, baizik eta, aitzitik, hastapenekoa dela. Horregatik, ez zait komenigarria iruditzen hitza esanahi gehiagoz puztea.</div><div><br></div><div>Kontu hau argitzen diguzun bitartean, Iñaki, iruditzen zait <i>de base</i> hori lotuago dagoela ez antzerkiaren nolakotasunarekin, baizik eta antzezleenarekin (zaleak direla, ez profesionalak?).</div><div><br></div><div>Euskaltermekoek ere horrelako zerbait antzeman bide diote<i> de base</i> espresioari, <i>deporte de base</i>rentzat <i>oinarriko kirol</i> (ez "oinarriZko") proposatuta (4. ponderazio-markarekin, bidenabar). Baina, esanahia nik adierazitakoaren ildokoa balitz, hots, jardunaren egileari dagokiona, eta ez jardunari berari, euskaldunontzat askoz argigarriagoa irudituko litzaidake "OinarriEN Antzerkiaren Euskal Federazioa".</div><div><br></div><div>Xabier Aristegieta</div></div><br><div class="gmail_quote"><div dir="ltr" class="gmail_attr">Hau idatzi du Inaki Inurrieta (<a href="mailto:inaki.inurrieta@gmail.com">inaki.inurrieta@gmail.com</a>) erabiltzaileak (2021 mar. 15, al. (15:55)):<br></div><blockquote class="gmail_quote" style="margin:0px 0px 0px 0.8ex;border-left:1px solid rgb(204,204,204);padding-left:1ex"><div dir="ltr"><div>Elkarte hori sortu nahian dabiltza, nonbait, eta kontsulta egin didate: <br></div><div>"Ondo al dago EUSKAL OINARRIZKO ANTZERKI FEDERAZIOA?"</div><div>Erantzun diet beste hau hobeto dagoela:</div><div>"OINARRIZKO ANTZERKIAREN EUSKAL FEDERAZIOA".</div><div>Dena den, hitz-ordena ez ezik, beste aldaketaren bat ere egin liteke, terminoen aldetik. Bururatzen al zaizue besterik?. <br></div><div>Mila esker aurrez.<br></div><div><br>-- <br><div dir="ltr"><div style="text-align:left">Iñaki Iñurrieta Labaien<br></div><br></div></div></div>
</blockquote></div>