<div dir="ltr">"Min ezintzaile" ez nuke erabiliko, ez delako oso argi gelditzen substantibo+adjektibo elkarketa bat den, ala bi substantiboren hitz-elkartea.<div>"Ezinarazle" zalantzagarria iruditzen zait, oinarrizko kontzeptua, "ezinarazi" baino gehiago, "ezindu" delakoan.</div><div>"Min ezingarri" gehiago gustatzen zait, nahiz eta, hor ere, "ezingarri" substantibo gisa hartzearen arriskua dagoen, eta beraz "min-ezingarri" gisa ulertzekoa; hots, esan nahi denaren alderantzia, "mina ezintzen duen zerbait".</div><div>Beste aukera bat litzateke, "jarleku"ren egiturari jarraiturik, "ezinmin", "eragozmin", "galarazmin". Horien problema da "jakin-min"en bidetik uler litezkeela, "min=gogo bizi"tzat hartuz.</div><div>Beste aukera bat da "min" hitzaren ordez "oinaze" erabiltzea. "Eragoztoinaze?" "galarazoinaze"?</div><div><br></div><div>Bururatzen zaidan aukerarik egokienak beste hari-mutur bati heltzen dio. Ez du gaztelaniazko "dolor imposibilitante"ren esanahi berbera adierazten, baina bai, nire ustez, parekagarria: "ezinbizizko mina /ezinbizizko oinazea" (gogoan izan "ezinbizi" substantiboa jasota datorrela Euskaltzaindiaren Hiztegian). Eta, gainera, "ezinbizizko" hori oso espresiboa iruditzen zait.</div><div><br></div><div>Ea balio dizun.</div><div><br></div><div>Xabier Aristegieta</div></div><br><div class="gmail_quote"><div dir="ltr" class="gmail_attr">Hau idatzi du Bittor Abarzuza (<a href="mailto:bittorbe@gmail.com">bittorbe@gmail.com</a>) erabiltzaileak (2021 eka. 21, al. (10:29)):<br></div><blockquote class="gmail_quote" style="margin:0px 0px 0px 0.8ex;border-left:1px solid rgb(204,204,204);padding-left:1ex"><div dir="ltr"><div>Kaixo, egun on:</div><div><br></div><div>"Eragozle" eta "ezintasun eragile" agertzen dira; hala ere, "eragozle" kontzeptu orokorregia delakoan nago eta "ezintasun eragile" luzegi egiten zait. <br></div><div><br></div><div><a href="https://www.euskadi.eus/eutanasia-zure-zalantzak-argituko-ditugu/web01-a2inform/eu/" target="_blank">https://www.euskadi.eus/eutanasia-zure-zalantzak-argituko-ditugu/web01-a2inform/eu/</a></div><div><a href="https://www.berria.eus/paperekoa/1877/006/001/2021-03-18/eutanasia-onestera-doaz.htm" target="_blank">https://www.berria.eus/paperekoa/1877/006/001/2021-03-18/eutanasia-onestera-doaz.htm</a> <br></div><div><br></div><div>Zer irizten diezue honako aukera hauei:</div><div><br></div><div><i>min ezinarazle, ezingarri edota ezintzaile</i></div><div><br></div><div>"Dolor imposibilitante" delakoak egiten dio erreferentzia pazientea ibili edota pentsatu ezin duenean minak eragindako ezintasuna dela eta (kontu fisikoa zein kognitiboa delako); nolabait, <i>ezindu </i>egiten edo bihurtzen duelako oinaze horrek<br></div><div><br></div><div>Bitor Abarzuza<br></div></div>
</blockquote></div>