<div dir="ltr"><div>Egun on:</div><div><br></div><div>Esapide hori dakar Elhuyar hiztegiak, <i>egurra/zura ukitu</i>, gaztelaniazko <i>tocar madera</i> esateko (uste dut denok jakingo duzuela zer esan nahi duen).</div><div><br></div><div>Beste hizkuntza batzuetan ere irudi bera erabiltzen omen da, baita burdinarekin ere (<i>tocar ferro</i>, katalanez; eta italieraz ere antzera, adibidez).</div><div><br></div><div>Nik entzun gabea nuen euskarazkoa, eta, lehenbizikoan, gogorra egin zait; kalkoa zela pentsatu dut, baina baliteke oker egotea, beste hizkuntza askotan ere antzekoak erabiltzen baitira. Zer iruditzen zaizue zuei? Ohiko esapidea da zuentzat?</div><div><br></div><div>Labayru hiztegiak <i>aitaren egin </i>eta <i>zinatu </i>dakartza, baina erlijio-kutsurik gabeko esapide bat behar dut (edo nahiago dut).</div><div><br></div><div>Eskerrik asko,</div><div><br></div><div>Amaia<br></div></div>