<div dir="ltr">Ondorioztapen batera iritsi naiz. Ez dakit ados ala desados egongo zareten, eta horregatik zuen iritzia jakin nahi nuke.<div><br></div><div>Gaur egungo erabileran oinarriturik, esango nuke <i>aurka</i>ren esanahia murritzagoa dela <i>kontra</i>rena baino.</div><div><br></div><div><i>Aurka </i>erabiltzen dugu eraso-asmo bat dagoenean atzetik: zerbaiten aurkako iritzia, norbaiten aurkako erabakia.</div><div><br></div><div>Baina halako asmorik ez dagoenean, ez dugu <i>aurka</i> erabiltzen. Adibidez, ez dugu esaten "paretaren aurka jarri zuen altzaria".</div><div><br></div><div><i>Kontra</i>k, ordea, bi zentzuak atxikitzen ditu: batzuetan, eraso-asmoa adierazten du (eta kasu honetan <i>aurka</i>ren sinonimoa da: zerbaiten <i>kontra</i>ko iritzia, norbaiten <i>kontra</i>ko erabakia); baina beste batzuetan, -<i>n bermaturik </i>du esanahia,<i> </i>hain zuzen Euskaltzaindiaren Hiztegiak horri buruz jasotzen dituen hirugarren eta laugarren adieretan bezalaxe.</div><div><br></div><div>Bada, zerbaitekin kontraesan soilean egotea, tartean asmotasun inolakorik ez dagoela, nire ustez gaur egun <i>kontra</i>ri bakarrik dagokion esanahia dugu, eta ez <i>aurka</i>ri dagokiona, nahiz eta Orotariko hiztegian horren adibide solte batzuk ere jasotzen diren.</div><div><br></div><div>Ildo horretatik, niri behintzat hozki pittin bat ematen didate honakoaren tankerako esaldiek:  <i>Erabaki horiek indarra izaten jarraituko dute foru lege honetan ezarritakoar<b><u>en aurka </u></b>ez doan guztian</i>. Hain zuzen ere, eta esan bezala, "foru lege honetan ezarritakoaren aurka joatea", nire ustez, berariazko erauntsi edo asmo osozko eraso bat egitea delako, eta ez, adibidean bezala, dena delako arau bat, etorkizunean jaulkitzen den beste arau baten eduki desberdinekoa izatearen ondorioz, asmo berezirik gabeko kontraesan soil batean suertatze hutsa.</div><div><br></div><div>Zer deritzozue?</div></div>