<div dir="ltr"><div>Kaixo eta zorionak denoi Itzulpengintzaren Nazioarteko egun honetan!</div><div><br></div><div>Galdera bat sortu zait itzulpen memorien eta itzultzaile automatikoaren arteko harremanaren gainean. </div><div><br></div><div>Nire ustez, itzulpen automatikoaren emaitzak aparteko memoria batean gorde beharko lirateke hainbat arrazoirengatik: zertarako gorde gaur automatikoki sortutako emaitza bat urtebete barru emaitza hori ustez, behintzat, hobea izango bada; presaka gabiltzanean hainbat gauza begi onez ikusteko joera izan dezakegu; eta, etorkizunera begira, hizkuntza ihartzeko arriskua sor dezakegu, eta horrek beste hainbat ondorio ekar ditzake.</div><div><br></div><div>Baina badira neuronalaren emaitza zuzena bada memorian gordetzea begi onez ikusten dutenak. Nik, kasu horretan ere, aparteko memoria bat sortuko nuke aurreko arrazoi guztiengatik, gutxienez.</div><div><br></div><div>Agian gai hau aspaldi ebatzita izango duzue dagoeneko; baina niri zalantza sortu zait eta ez dut argibide zehatzik aurkitu. Itzulpen automatikoaren emaitzak memoria nagusian jasoko zenituzkete? Eta zergatik? Zuen iritzia pozik jasoko nuke.</div><div><br></div><div>Mila esker aldez aurretik eta eutsi AAri!</div><div><br></div><div>Garbi</div></div>