[itzul] Popa, Rocka,...

[gilentxo]

Kaixo.

Badu euskarak -a artikulua beti eta nonahi erabili behar bat askotan astuna izatera iristen dena. Nik arazo hori batez ere hitz arrotzetan ikusten dut. 

Adibidez, Eroski hipermerkatu bateko musika sailean, afixa batek:

"popa, rocka eta jazza"

Ez dakit zergatik baina niri gaizki ematen dit begi-belarrietan. Artikulua eduki arren hitz horiek ez zaizkit euskarazkoagoak iruditzen. Nik behintzat kenduko nuke:

"pop, rock eta jazz"

Berdin jokatuko nuke titulu moduko hainbat idazkunen, arrotz-hitzak erabiltzen dituzten horietakoen, kasuan:

"Ziaboga bar" (hala euskarak ezin du "bar" hitza erabili?)

"Izar pub"

"Donostiako Aquarium" ("Donostiako Akuarioa"-ren alternatiba gisa)

"Donostiako Boulevard" ("Donostiako Bulebarra"-ren alternatiba gisa)

Jakina, deklinatzerakoan hitz arrunten moduan egingo litzateke: 

"Rocka (rock musika) izugarri gustatzen zait"

"Varsovia barrean elkartuko gara"

"Boulevardean gertatu zen dena"


Ez dakit, beharbada oker nago kontu honetan, zuen iritziak ikusi nahi nituzke.
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20040622/daac88da/attachment.html>