[itzul] Día Europeo de la Discapacidad

[Gotzon Egia]

> Guk ETBn Pertsona Ezinduen Nazioarteko Eguna erabili izan dugu.

Joan den azaroaren 10ean zerrendara bidali nuen mezuaren 
(http://article.gmane.org/gmane.culture.language.basque.itzul/25481) 
harira nator berriro ere.

OME aspaldidanik bultzatzen ari den «International Classification of 
Functioning and
Disability» (http://www.who.int/icidh/whodas/index.html) sailkapenak ez 
dio, zehazki, gaitzari (ezintasunari) begiratzen, gaitz horrek munduan 
barrena aritzeko (functioning) dakarren arazoari baizik.

Itsu izatea ezintasun bat bera da beti, baina bizitzeko eta jarduteko 
ondorio arras desberdinak izan ditzake Antananarivon, Helsinkin, 
Kalkutan edo Sao Paulon. Itsu izateak batean ala bestean, ezintasun 
fisikoa bera izanda ere, ezgaitasun maila desberdinak ekar ditzake.

Nik, OMEren arrastotik, «ezgaitasun» erabiliko nuke kontzeptu hori 
adierazteko, nahiz hizketan jarraituko dugun, noski, «ezindua gelditu 
zen» edo «elbarri dago» esaten.


-- 
Gotzon Egia
gegia a bildua gipuzkoa.net
43º 19' 12.8" N 1º 57' 49.6" W