[itzul] e-rik gabeko poesia...

[Gotzon Egia]

> Gaztelerazko testu batean e-rik gabeko poesia bat agertzen zait. Nola
> moldatu ahal dut itzulpena euskarara?

Lipogramak dira halako jolasak, hau da, letraren bat nahita bazter 
utzita idazten diren pieza literarioak.

Genero horretan ospetsuenetakoa Georges Perec 
(http://fr.wikipedia.org/wiki/Georges_Perec) frantses idazlea izan 
zen._La Disparition_ eleberria e letrarik gabe idatzi zuen, eta, 
alderantziz, gero _Les Revenentes_ liburuan e zen bokal bakarra (halako 
ariketak tautogramak dira, ez lipogramak).

Euskaraz adibide polita egin zuen Xabier Olarrak, Raymond Queneau-ren 
_Estilo-ariketak_ itzuli zuenean. Liburu horretan eguneroko bizitzaren 
gertakari hutsal bat kontatzen da, ehun bat era diferentetan. Tartean 
lipograma bat dago, e-rik gabea. Segidan dira jatorrizko eta Olarrak 
emandakoa:

----
Lipogramme

Voici.

Au stop, l'autobus stoppa. Y monta un zazou au cou trop long, qui avait 
sur son caillou un galurin au ruban mou. Il s'attaqua aux panards d'un 
quidam dont arpions, cors, durillons sont avachis du coup ; puis il 
bondit sur un banc et s'assoit sur un strapontin où nul n'y figurait.

Plus tard, vis-à-vis la station Saint-Machin ou Saint-Truc, un copain 
lui disait : «Tu as à ton raglan un bouton qu'on a mis trop haut. »

Voilà.



Lipograma

Hona.

Stopa ikusi eta stoppatu da autobusa. Igo da txoropito bat, sama 
izugarrikoa, kaskoan ginbail bat jarrita, xingola bigunduna. Tipo bati, 
azazkalak zapaldu baitizkio eta di-da bigundu hankako hatzak, maskurrak, 
gogortasunak, saltoan joan da handik; aulki bat hutsik ikusirik, han 
jarri da, inor gutxi azaldu baita aulki huts hura hartu asmoz.

Aldi polit bat igarota, lagun bat aurkitu du San Mattin nahiz San 
Xalbador bultzitokian, 'ta hala diotsa: «Botoi bat daukak longainan 
goragi jarria.»

Horra.
----

Estilo ariketa gehiago:
http://www.armiarma.com/emailuak/mizka/queneau.htm

Estilo ariketei buruzko bloga, Xabier Olarrak egina:
http://www.igela.com/queneau/

-- 
Gotzon Egia
gegia a bildua gipuzkoa.net
43º 19' 13.5" N 1º 57' 50.4" W