[itzul] aparamenta

Alfontso Mujika alfon a bildua elhuyar.com
Ast, Mar 15, 08:50:36, CET 2007


<extincion de arco>
Arku elektrikoa (arku voltaikoa) itzaltzeko gailu, sistema edo ganbera
izango da, ziur asko. Euskaraz, <arkua itzaltze> esan daiteke (<arkua
itzaltzeko sistema> adibidez). Bakarrik doala, <arku-itzaltze> ere jar
liteke, ekintza hutsa adierazteko, baina, gehienetan, bestelako
testuinguruetan agertu ohi da.
 ------------------------
<corte en gas>
Etengailu eta ebakigailuetan erabiltzen da; hutsean edo gas geldo baten
atmosferan ezarri ohi dira, arkurik ez sortzeko.
<en vacio> delakoa <hutseko> egin ohi dugu; baita <hotzeko> eta <beroko> ere
(<hotzeko ijezketa: laminacion en frio>; <hotzeko soldadura: soldadura en
frio>; <beroko zerraketa: serrado en caliente>, <beroko soldadura: soldadura
en caliente>). <en gas>, beraz, berdin egin liteke. Ez dut eragozpen
gramatikalik ikusten, baina ez nintzateke ausartuko <gaseko ebaketa>
bat-batean egiten; ez dut uste besteak bezain ulergarria izango
litzatekeenik emaitza (ohitura faltagatik besterik ez bada ere). Beste
aukera
batzuk:

Euskaltermen, adibidez, hau dago:

eu giro geldotako arkuzko soldadura
es soldadura al arco en atmosfera inerte
fr soudage a l'arc en atmosphere inerte
en gas shielded arc welding

eu Giro babestuko soldadura
es Soldadura en atmosfera protegida

eu Giro naturaleko soldadura
es Soldadura en atmosfera natural

Haien ildotik, <gas-giroko ebaketa> egin liteke, nik uste. Beste aukera bat
aditzen bat sartzea da. Adibidez: <gasean isolatutako ebaketa>.
  ------------------------
<aparamenta> eta <aparellaje>, nire ustez, sinonimoak dira. Gaztelaniaz,
<aparellaje> da, nonbait, forma "zuzena", RAEk onartua:

<aparellaje>. (Del fr. appareillage). 1. m. Conjunto de aparatos y
accesorios dispuestos para un uso preferentemente industrial. <El aparellaje
de una central electrica>.

Hala ere, gaztelaniaz biak erabiltzen dira, eta gehixeago erabiltzen da
<aparamenta> hitza <aparellaje> hitza baino (ikus Googlen). Kataluniako
TERMCAT datu-basean, adibidez, honela ematen dute:
ca  aparellatge
es  aparamenta

Eta International Electrotechnical Commission erakundearen glosario
eleaniztunean, adibidez, honela dator:
en <switchgear and controlgear >
fr <appareillage>
es <aparamenta>

Euskaraz nola? Mailegatzekotan, <aparellaje> hartuko nuke, gaztelania eta
frantsesa bat baitatoz, eta hori bada arrazoi ez txikia mailegua aldezteko
(eta ez <aparamenta>, gaztelaniarena baino ez baita). Bestela, esanahiari
erreparatu beharko diogu:

<appareillage: materiel destine a etre relie a un circuit electrique en vue
d'assurer une ou plusieurs des fonctions suivantes: protection, commande,
sectionnement, connexion>

Hori, euskaraz, <tresneria> esan liteke, oso orokorra eta polisemikoa bada
ere; bestela, <ekipamendu> eman liteke (Hiztegi Batuan dago <ekipamendu>
hitza), baina nago <ekipamendu> zabalagoa dela; alegia, sorgailuak, motorrak
eta transformadoreak, adibidez, ekipamenduaren parte dira, baina haiek ez
dira <aparellaje> delakoan sartzen. Beharbada, <ekipamendu osagarri> esan
liteke. Dena dela, termino konplexuagoetan agertzen da askotan
(<aparellaje/aparamenta de/para baja tension>, <aparellaje/aparamenta de
proteccion>, <aparellaje/aparamenta de corriente continua>, <aparamenta
electrica>...), eta, beharbada, ez da hain erosoa <ekipamendu osagarri
elektriko>...

Horregatik, kasu honetan egokia iruditzen zait maileguaren bidea:
<aparellaje>.

Alfontso Mujika
Elhuyar Hizkuntza Zerbitzuak

-----Mensaje original-----
De: itzul-bounces a bildua postaria.com [mailto:itzul-bounces a bildua postaria.com]En
nombre de Ana Martin
Enviado el: miercoles, 14 de marzo de 2007 17:54
Para: itzul a bildua postaria.com
Asunto: [itzul] aparamenta


Erdi tentsioko instalazioei buruzko esaldi honetan, zeinean ia ez dudan
ezer ulertzen, nola esango zenukete

aparamenta,

aparellaje,

corte en gas

extincion de arco



Eskerrik asko







Ana Martin

EMUN, Koop. E.

Itzulpen zerbitzua

Uriburu 9 behea (227 p. ku.)

20500 ARRASATE

Tel: 943 711 847

www.emun.com <http://www.emun.com/>








ItzuL posta zerrendari buruzko informazio gehiago