[itzul] "Hizketa(ren) teknologiak"?

[Igor Odriozola]

      Egun on, denoi:
 Atzo, "speech technologies" terminoaren ordain egokia
eskatzeko idatzi  nizuen. Jaso ditudan erantzunak kontuan
izanda (eskerrik asko, erantzun  didazuenoi), "speech"-en
ordain gisa "hizketa" erabiltzea iruditzen zait  egokiena,
"ahots" terminoak anbiguetateak sor baititzake eta nolabait
terminoa  espezializatu beharra baitago teknologia-alor
horretarako (halaxe egin dute  inguruko hizkuntzetan ere).
Bestalde, beste zalantza bat sortu zait nahiko  gaiztoa
dena, Antton Gurrutxagak aipatu didan moduan: ez dakit zein
izan  daitekeen egokiagoa, "hizketa-teknologiak" edo
"hizketaren teknologiak";  izan ere, lehenengoari ez diot
inolako arazorik ikusten, baina bigarrena  naturalagoa
gertatzen zait (gaztelaniaren eraginez, beharbada). Mota
horretako  terminoak egokiak dira, ala egokiagoa al da hitz
elkartua egiteko joera?
 Eskerrik asko,
 Igor Odriozola Sustaeta
   


      Igor Odriozola Sustaeta