[itzul] Nor da ha?

[jon-agirre a bildua ej-gv.es]

"Ismaelek bere arrebaren adinaren erdia dauka eta ha orain 28 urte jaio
zan."

 

Ismael balitz ez luke "ha" (hura) beharko:

"Ismaelek bere arrebaren adinaren erdia dauka eta orain 28 urte jaio
zan".

 

Beraz, arreba da; baina errepikapena saihestearren izenordaina erabiliz,
testua ilundu baino ez da egin. Argiago eta zuzen legoke "arreba" esanda
(eta koma gehituta):

"Ismaelek bere arrebaren adinaren erdia dauka, eta arreba orain 28 urte
jaio zan. Zenbat urte daukaz Ismaelek?". Zortzi urteko umeentzako
buruketak, askotan, hizkuntza ariketak izaten dira, matematikakoak baino
gehiago, baina, kasu honetan, oker dagoela deritzot, hau da, euskaraz
okerra ez da "arreba" errepikatzea, izenordaina sartzea baino (eta ez
iluntasunagatik bakarrik).

 

Zer dioskute gure gramatikariek? Esaldia zuzena da?

 

Jon Agirre