[itzul] "1000 kilotik beherako ibilgailuak"

[Agirre Garai, Jon]

Oso garrantzitsua da hori bereiztea. Adinaren kontuan, 18tik gora edo 18 baino gehiago berdinak dira esanahia ezaguna egiten zaigulako. Eta azken batean, 18 urte bete eta jarraian 18 baino gehiago dituzulako. Hor ez da inoiz egongo istilurik. Legez 18 egiten dituzun egunean adinduna zara (egun horretako 00:00an), nahiz eta 23:59an jaiotakoa izan.

Baina lokalen edukiera 700dik gora edo behera ezartzen bada Jaurlaritzari edo Udalari egozteko haien kontrolaren eskumena, garrantzitsua da 700 pertsonako edukiera dutenak non kokatzen diren argitzea. Alde horretatik, esamolde horrek barne hartzen du esaten den kopurua. Kanpo utzi nahi bada, ‘baino gehiago/gutxiago’ erabili behar da. Hori da nire iritzia.

Jon


From: Rey Escalera, Fernando (Euskarabidea) [mailto:fernando.rey.escalera a bildua cfnavarra.es]
Sent: asteazkena, 2017.eko azaroak 15 13:44
To: ItzuL
Subject: Re: [itzul] "1000 kilotik beherako ibilgailuak"

Egun on.
Kontu interesgarria ekarri du Xabierrek.
Duda egon liteke, eta horregatik ikusten ditugu, nik uste, hainbeste “mayor o igual a”, “menor o igual a”, baina nire ustez ez da oso beharrezkoa.

“18 urtetik gorakoak sar daitezke” esaten digutenean, argi aski ulertzen dugu 18koak ere sar daitezkeela, ez 19 edo gehiago dutenak.

Gainerakoan, niretzat pare-parekoak iruditzen zaizkit bi egiturak: 18 urtetik gorakoak edo 18 urte baino gehiagokoak. Eta, aukeran, nahiago lehenbizikoa.

Ongi izan.
Fernando


From: Xabier Aristegieta [mailto:allurritza a bildua gmail.com]
Sent: miércoles, 15 de noviembre de 2017 13:22
To: ItzuL
Subject: [itzul] "1000 kilotik beherako ibilgailuak"

"Xtik beherako/gorako" espresioa erabiltzean, X kopurua multzo horretan sartuta dagoela ulertzen duzue, ala ez dagoela?

Bestela esanda: zuzena al da "vehículos de menos de 1000 kilos" euskaratzea "1000 kilotik beherako ibilgailuak"?

Niri, "1000 kilotik beherako" horrek gehiago iradokitzen dit "de 1000 kilos para abajo".

Jakina: ziur-ziur egoteko, "1000 kilo baino gutxiagoko ibilgailuak" erabil daiteke. Baina beharrezkoa iruditzen zait "-tik gora/behera/aurrera/atzera" espresioek adierazitako tartearen nondik norakoak zedarritzea. Eta, gauzak oso argi ez egoteagatik zehaztapen hori ezin badugu egin, gutxienez ere espresio horren lausotasunaz oharmena ernatzea.

Xabier Aristegieta
[https://posta.elkarlan.euskadi.eus/disclaimer/marca_outlook_generico.jpg]<http://www.euskadi.net>
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20171115/a4cf6054/attachment-0001.html>