[itzul] ULERMENA

[Patxi Petrirena Altzuguren]

(Lehengo egunean bidali nuena trabatuta gelditu da nonbait, pisu
handiagatik edo. Berriz saiatuko naiz.)

Ez dakit, 'ulerkortasun' eta 'ulerberatasun' ere etortzen zaizkit burura,
baina ez nuke esango horko 'ulermen' hori desegokiak denik ere.

Ereduzko Prosa Gaurren aurkitutako hauek adiera bertsukoak izan daitezkeela
iruditzen zait.

   - Baina harengandik *ulermena* eta errukia besterik jaso ez zenuenean,
   ez zenuen ezer gehiago nahi, borrokan aurkitutako heriotza ohoretsua
   bakarrik. (Eraztunen Jauna III, J.R.R. Tolkien / Agustin Otsoa, Txalaparta,
   2004)
   - Nahi gabe, *ulermen* keinu bat egin du bidaztiak, eta Carmenek begia
   kliskatuz erantzun dio bere ondotik pasatzerakoan. (Traizioak, Iban Zaldua,
   Erein, 2001)
   - Ergela iruditzen zaio emakume batek gizonezko batengandik *ulermena*
   itxarotea; gizonezkoak (halaxe dio Hannak) misteriotzat nahi omen du
   emakumea, hartara berak, gizonak, bere ulertezintasun hori dela medio, bere
   burua liluraturik eta kitzikaturik sentitzeko. (Homo Faber, Max Frisch /
   Joxe Austin Arrieta, Elkar, 2001)
   - Adiskide batekin hizketaldi intimoan jardutea, harekin gaudela geure
   harrokeria ergela eranzten baitugu, harengan beroa eta *ulermena*
   aurkitzen baititugu, harekin geurekoikeria zikoitza pentsaezina baita.
   (Ezezaguna helbide honetan, Kressman Taylor / Ramon Etxezarreta, Erein,
   2003)
   - Plantak egiten ibili ote zen, bada, Tomen aurrean, beraren errukia eta
   *ulermena* irabazteko? (Brooklyngo erokeriak, Paul Auster / Oskar Arana,
   Alberdania, 2006)

Ez nago erabat seguru.
<https://www.elhuyar.eus/>

*Patxi Petrirena Altzuguren*

*Hizkuntza eta Teknologia*


Zelai Haundi, 3 - Osinalde industrialdea - 20170 Usurbil

Tel.: 943 36 30 40 | Luzp.: 257

p.petrirena a bildua elhuyar.eus |  <p.petrirena a bildua elhuyar.eus>*www.elhuyar.eus*
<https://www.elhuyar.eus/>

<https://www.elhuyar.eus/>

*LEGE OHARR* <https://www.elhuyar.eus/eu/pribatutasun-politika>
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20210322/a8ec046c/attachment.htm>