[itzul] Ad hoc

[Inaki Inurrieta]

Presaren presaz, ez nuen behar bezala azaldu esan nahi nuena.

Nire asmoa zen esplikatzea Mikel Zalbideren <konponbide ad hoc horiek>
esapidea ez dela Martini iruditu bezain arraroa.

Uste dut <ad hoc> esapideak, latin klasikoan -hau da, latinismo bihurtu
baino askoz lehenago-, <horretarako> esan nahi zuela (edo zehatzago hitz
eginez, <honetarako>, baina onar bekit bigarren gradu hori balio
anaforikoaren adierazgarri), eta adizlagun funtzioa betetzen zuela sarri
(beti?); alegia, <horretarako> hitzak betetzen duena <horretarako egin dut
egin dudana> esaldian, non <egin dut> aditzaren osagarri baita.

<Horretarako> hitza, berriz, adizlagun ez ezik izenlagun ere izan daiteke;
esate baterako, <nekez aurkituko dugu horretarako konponbiderik> esaldian,
non <konponbide>ren izenlaguna baita.

<Horretarako> izenlaguna, beste izenlagun asko bezala, izenaren eskuinera
pasa daiteke, eta izenondo bihurtu. Izenlagun eskuineratu ere deitzen diet
nik halakoei. Gaur egun ez dira oso ohikoak (nire adinekook, hala ere, gure
gurasoek eta gure gurasoen gurasoek bezala, “Aita gurea” errezatzen ikasi
genuen “Gure aita” baino lehenago).

Hala, <ad hoc konponbide horiek> irakurtzean <horretarako konponbide
horiek> interpreta dezake batek, eta <konponbide ad hoc horiek>
irakurtzean, berriz, <konponbide horretarako horiek>, hau da, izena +
izenlagun eskuineratua + erakuslea, lehenago gaur egun baino arruntagoa zen
egitura bat.


Iñaki Iñurrieta


------------------------------
>
> Message: 2
> Date: Thu, 15 Nov 2012 23:30:24 +0100
> From: Alfontso Mujika Etxeberria <a.mujika a bildua elhuyar.com>
> To: ItzuL <itzul a bildua postaria.com>
> Subject: Re: [itzul] Ad hoc
> Message-ID:
>         <CAHpR9XH+e3pYqd4HSU2U40dkwDkFKL-8AOsxHWZ=
> h3v1ZwiWGw a bildua mail.gmail.com>
> Content-Type: text/plain; charset="iso-8859-1"
>
> ??
>
> Beharbada, zerbait ez dut ondo ulertu, baina Iñakiren arrazoibidearen
> funtsa, ezinbesteko premisa, -KO atzizkiaren presentzia da (edo -REN
> atzizkiarena, bestela). Horregatik, ez dut ikusten non dagoen lotura
> zalantzarik gabekotzat dudan berdintza honen:
>
> <horretaraKO konponbide horiek> (IZENLAGUNA + IZENA) = <konponbide
> horretaraKO horiek> (IZENA + IZENONDOA) (Bide batez, hor ez dago
> adizlagunik, izenlaguna eta izenondoa baizik)
>
> eta zalantzazkotzat jo dudan beste berdintza honen artean:
>
> <ad hoc konponbide horiek> (APOSIZIOA) = <konponbide ad hoc horiek> (IZENA
> + IZENONDOA["izenondogai", esan dezagun]) (Non dago hor  -KO atzizkia? Hor
> ez dago izenlagunik)
>
>
> (Bestalde, egia da, Iñakik dioen moduan, -KO atzizkidun hitzak [ez denak,
> ala?] adizlagun eta izenlagun izan daitezkeela, baina ez dira baliokideak,
> ezta? Alegia, ez dira besterik gabe trukagarriak, ezta?)
>
>
>
>
> 2012/11/15 Inaki Inurrieta <inaki.inurrieta a bildua gmail.com>
>
> > Martinenari erantzunez:
> >
> > -"ad hoc" esamoldeak "horretarako" esan nahi du (edo horrexetarako, hots,
> > berariazko, apropos)
> >
> > -ko atzizkidun hitzak adizlagun eta izenlagun izan daitezke euskaraz:
> > "horretarako egin dizut galdera" (adizlaguna), eta "horretarako galdera
> > egin dizut" ("galdera" izenaren laguna da hor "horretarako")
> >
> > -Izenlagunak izenaren aurretik joan ohi dira gehienetan gaur egun, baina
> > joan daitezke izenaren atzetik ere: "Gure aita", baina baita "Aita gurea"
> > ere; "Parisko alkatea", baina baita "Don Kijote Mantxako" edo "Peru
> > Leartzako" ere.
> >
> > -Beraz, "horretarako konponbide horiek" bezala, "koponbide horretarako
> > horiek" molde zaharkitua ere erabil daiteke; edota "ad hoc konponbidea
> > horiek" eta "konponbide ad hoc horiek", Mikel Zalbidek erabili bezala.
> >
> > -Eta, horrenbestez, Alfontsok aipatzen duen "konponbide *ad hoc*ekoak"
> > hori gabe, zergatik ez konponbide *ad hoc*ak?
> >
>

Iñaki Iñurrieta
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20121118/756ace60/attachment.html>