[itzul] Re: Lastoa inoren begian

[Gotzon Egia]

> 	Ez da gauza handia esan nahi dudana: nekatuta nagoela Itzulisten eta
> beste plaza batzuetan egiten diren / ditugun salaketekin.

Azkar batean idatzi dut erantzun hau, agian gehixeago elaboratu beharko 
nuke:

1 - Asier Larrinagari ongi ulertu badiot, Robert Scarcia kazetariak 
izenpetzen duen «Norvegiako samien egoera soziolinguistikoa» 
(http://www.gipuzkoaeuskara.net/albisteak/1118835947) artikuluan akatsak 
omen daude. Litekeena. Kontua da izenpetutako artikulua denez, ez dugula 
arrazoi sendorik ikusi artikuluan hizkuntza zuzenketak egiteko. gainera, 
artikulua nork euskaratua den badakigu, eta itzultzaile (nahiz idazle) 
trebea dela uste dugu.

2 - ItzuLen «salatzen» diren kasuen inguruan jokabide bat edo beste 
hartzeaz, lehenago ere sortu izan dira halakoak zerrendan. Norberak 
jakingo du zer egin, baina ez zait iruditzen ItzuL zerrenda inolako 
«mail bombing» edo tankerako ezer egiteko plataforma gisa erabili 
beharko litzatekeenik.

Eta bai, ni ere asper samartuta nago antologiarako horiekin...

-- 
Gotzon Egia
gegia a bildua gipuzkoa.net
43º 19' 12.8" N 1º 57' 49.6" W