ER: [itzul] Eskabetxe(t)an

[Juan Garzia Garmendia]

Bada, "saltsa berdean" esaten delako, eta ez "saltsa berdetan" (akaso indar
gutxiko argudioa irudituko zaizu, baina halakoxea da hizkuntza, eta ez
ingeniaritza-tramankulu bat). Kontzeptualizazioa (zeuk jarri komatxoak)
aldakorra bai, baina ez da arbitrarioa, hots, hiztun batek bere apeta hutsez
egitekoa; are gutxiago, erabilera finkoaren aurka.

-----Jatorrizko mezua-----
Nondik: itzul-bounces a bildua postaria.com
[mailto:itzul-bounces a bildua postaria.com]Honen izenean: mikelhb a bildua teleline.es
Bidalia: larunbata, 2005.eko azaroak 5 15:09
Nora: ItzuL
Gaia: RE: [itzul] Eskabetxe(t)an


Baina eta, zergatik ez 'saltsa berdetan'? Bakarrik falta
zaigu "kontzeptualizatzea": 'ur handitan' esan dezakegun
bezala. Eta 'eskabetxetan' esateko ere ez dut oztoporik
ikusten.

Mikel Haranburu

On 4 Nov 2005 at 10:54, Alfontso Mujika wrote:

> Gehiegi pentsatu gabeko erantzuna da, baina esango nuke 'olio' eta
> 'ardo zuri' berariazko likidoak direla, ura den bezala, eta
> 'eskabetxe' ez dela horietakoa, ez dugula sail horretakotzat hartzen
> edo ez dugula horrela kontzeptualizatzen behintzat (olioa eta ardo
> zuria badira zerbait, jakiari laguntzen ez badiote ere; eskabetxea,
> berriz, ez da "autonomoa"), eta, Karlosek esan bezala, saltsekin edo
> parekatzen dugula: 'uretan' baina 'saltsa berdean'
>
> Alfontso
>
> -----Mensaje original-----
> De: itzul-bounces a bildua postaria.com [mailto:itzul-bounces a bildua postaria.com]En
> nombre de Terminologia BITEZ LOGOS Enviado el: viernes, 04 de
> noviembre de 2005 10:36 Para: ItzuL Asunto: [itzul] Eskabetxe(t)an
>
>
> Egun on denoi.
>
> Harriduraz ikusi dugu bilaketa sinple bat eginda (Sarean), askoz ere
> erabiliagoa dela mugatu singularra mugagabea baino. Ohiko hiztegien
> artean, Euskaltermek bakarrik jaso du forma hori eta era mugatuan
> honek ere.
>
> Zer dauka eskabetxeak "oliotan", "ardo zuritan" eta "abarretan" bezala
> ezin deklinatu izateko?
>
> Eskertuko genuke argi-izpiren bat.
>
> Iñaki
> BITEZ LOGOS
>