[itzul] Nafarroako Gobernukoentzat . Servicio de Montes

[Gotzon Egia]

> Servicio de Montes berak ez ote du esan nahi servicio de bosques. Guretzako
> halakoak dira herribasoak, auzobasoak, basoak, e.a.
> Besteak, gailurrak, tontorrak, eta antzekoak mendiak dira, frantsesezko
> "montagne" eta inglesezko  "mountain" terminoen parekoak.
> Banago gure aurretikoek erabili dutela basoa hitza foresta/forestal, e.a.en
> kideko.

Arrazoi izango duzu: egungo «mendi» guztiak ez dira, ziurrenik, 
«montagne». Ez nago hain ziur, ordea, «Servicio de Montes» horren 
barruan «basoak» bakarrik ote dauden.

Gaia beste ertz batetik ikusita, Gipuzkoan «Mendien Foru Araua» dugu:
https://ssl4.gipuzkoa.net/euskera/gao/2006/10/26/e0610720.htm

Iruditzen zait hor «mendi» erabili behar dugula, ez inola ere «baso», 
xedapen horrek ez bakarrik basoak, baizik mendien gaineko beste hamaika 
gauza arautzen baititu (besteak beste, herri jabariko mendiak, herri 
onurakoak, mendien mugaketa, zortasunak, mendi pribatuak, basoak 
kudeatzea, eta abar).

Adierazgarria da, eztabaidan ditugun terminoen harira, foru arauak 
ematen duen definizioa:

«4. artikulua.    Mendi kon­tzep­tua.

1.    Foru arau honen ondorioetarako, mendia da zuhaitz, sastraka edo 
belar landareak hazten diren lur oro, baldin eta nekazari­tza 
landaketaren ezaugarri edo horren gai ez badira eta hirietako espazio 
edo parkeetan eta lorategietan ez badaude.»

Foru arau horretan xedatutakoa zaindu edo kudeatu behar duen 
zerbitzuari, nola esan behar ote zaio? Nire ustez, «Mendi(en) Zerbitzua».

-- 
Gotzon Egia
gegia a bildua gipuzkoa.net
43º 19' 13.5" N 1º 57' 50.4" W