[itzul] ItzuL Mezu-Bilduma, 119 bilduma, 14. zenbakia

As, Api 8, 14:51:40, CEST 2014

Niri, gaztelaniazko bertsioa zentzurik gabekoa iruditzen zait, hots, ez badugu egoera ezagutzen ez dago mezu zuzenik ulertzerik. Nik behintzat, "autismo" beharrean  X jarrita, huraxe sendotzeko ekitaldia dela ulertuko nuke. Bestela, jokamolde berarekin sortu litezke "marcha solidaria por el terrorismo", "marcha solidaria por las violaciones" edo "marcha solidaria por las estafas",eta, niri behintzat, nahasgarriak iruditzen zaizkit.
Euskaraz, "autismodunekin bat egiteko ibilaldia" bururatu zait. Ez dakit "solidarioa" errepikakorra suertatzen ote den "bat egin" erabilita.

-----Jatorrizko mezua-----
Nork: itzul-request a bildua postaria.com [mailto:itzul-request a bildua postaria.com]
Bidaltze-data: as., 2014/04/08 09:04
Nori: itzul a bildua postaria.com
Gaia: ItzuL Mezu-Bilduma, 119 bilduma, 14. zenbakia

ItzuL zerrendako mezuak bidali itzul a bildua postaria.com helbidera.

WEB bidez zerrendan izena emateko, edo zerrenda uzteko, joan helbide
honetara:
	http://postaria.com/mailman/listinfo/itzul

Posta elektronikoz nahi bada, bidali mezu bat 'help' hitza idatzita
(kakotsik gabe), bai Gaia lerroan zein mezuan bertan, helbide
honetara:
	itzul-request a bildua postaria.com

Zerrenda kudeatzen duenarekin harremanetan jartzeko:
	itzul-owner a bildua postaria.com

Mezu honi erantzuten badiozu, mesedez, editatu Gaia (subject) lerroa.
Horrelako mezuak sahiestuko dituzu: "Re: Contents of ItzuL digest...".

Gaurko gaiak: 

   1. Re: Marcha solidaria por el autismo (jon-agirre a bildua ej-gv.es)

----------------------------------------------------------------------

Message: 1
Date: Mon, 07 Apr 2014 16:23:43 +0200
From: jon-agirre a bildua ej-gv.es
To: itzul a bildua postaria.com
Subject: Re: [itzul] Marcha solidaria por el autismo
Message-ID: <AEA5C27216646C48BFC128B1EA2B58DFA29E9E a bildua AEX06.ejsarea.net>
Content-Type: text/plain; charset="iso-8859-1"

Autismoagatik da ibilaldi hori, ezta? Kausa, alegia. Orduan, 'autismoagatiko...' nahi ez badugu, 'autismoaren elkartasun ibilaldia' izan daiteke. Xinple eta neutro.

Jon

From: Jabier Zabaleta [mailto:euskara a bildua oriokoudala.com] 
Sent: astelehena, 2014.eko apirilak 7 14:13
To: ItzuL
Subject: Re: [itzul] Marcha solidaria por el autismo

Ez dakit, ba...

Hainbat proposamen jaso ditut; baina ez naute guztiz asebetetzen:

- "Autismoak eragindakoen aldeko ibilbide solidarioa"

Bi arazo ikusten dizkiot: batetik, objektua aldatzen du eta gaia ez da dagoeneko 'autismoa', baizik-eta 'autismoak eragindakoak'. Bestetik, iruditzen zait horrelako sentsibilizazio-kanpainatan bereziki zaintzen dela mezuak beti positiboak izatea eta 'autismoak eragindakoak' bezalakoak sartzea ez dirudi ildo horretan doanik.

- "Autismoa babesteko ibilaldi solidarioa". 

Beste batzuk esan duten bezala, nik ere ez dut alde handirik ikusten 'autismoaren aldeko ibilaldiaren' eta 'autismoa babesteko ibilaldiaren' artean. Biek dute aje berbera, nik uste.

- "Autismoa dutenen aldeko ibilaldi solidarioa"

Beharbada, gehien gustatu zaidana da; baina lehenbizikoak daukan 'akats' bera du: objektua aldatzen duela, alegia. Objektua 'autismoa' da gaztelaniazko bertsioan eta zalantzarik ez dut hori ondo pentsatutako aukera izan dela. Ez dut uste zilegi denik itzulpenean hori aldatzea.

-"Autismoaren kontrako ibilaldi solidarioa"

Guztiz bestelakatzen du mezua eta ez dut uste egokia denik. Ibilaldia zerbaiten aldekoa da, ez ezeren kontrakoa.

Modu pribatuan lagun batek esan dit berari onartzeko modukoa iruditzen zaiola euskarazko jatorrizkoa ('Autismoaren aldeko...) eta, beharbada, arrazoi du, izenburuetako hizkuntza-ekonomia arrazoiak-eta kontuan hartuta; baina ez dakit, ba... Gautenak berak onartuko zuen, gaztelaniaz, 'marcha solidaria a favor del autismo'? Ulertu, ulertzen da, eta, oker-okerra ez da igual izango; baina nik uste dut ez lukeela hori inolaz erabiliko.

Ondo-ondo bizi.

Jabier Zabaleta

Orioko Udaleko euskara teknikaria

euskara a bildua oriokoudala.com

943 830 346 ->8

El 07/04/2014, a les 11:39, Euxebe Portugal <euxebe a bildua euskalnet.net> va escriure:

Agidanez, bat baino gehiagok gauza bera pentsatu genuen.

Dena den,  "autismoaren alde" eta "autismoa babesteko" parekotzat jotzen 
ditut.

Zergatik ez, "autismoaren aurkako ibilaldia"?

Bestetik, autimoaren aurkako ibilaldia egiteak berarekin dakar gaitz hori 
jasaten dutenekiko elkartasuna, ezta?,

--------------------------------------------------
From: "HEKOEPA" <hekoepa a bildua gipuzkoa.net>
Sent: Monday, April 07, 2014 11:25 AM
To: "ItzuL" <itzul a bildua postaria.com>
Subject: Re: [itzul] Marcha solidaria por el autismo

Neu ere han izan nintzen eta minsor bera ibili nuen buruan, "autismoaren 
alde" egote horren hitz-tranpak kateatuta.
Eta neure baitan, "autismoa babesteko ibilaldi solidarioa" zuzenagoa zela 
egin nuen.

Edurne
________________________________________
Hemendik: Jabier Zabaleta [euskara a bildua oriokoudala.com]
Bidaltze-data: astelehena, 2014.eko apirilak 7 10:16
Nori: ItzuL
Gaia: [itzul] Marcha solidaria por el autismo

Atzo aukera izan nuen Donostian, Gautenak antolatuta, egin zen ibilaldi 
solidarioan parte hartzeko. Polita izan zen.

Gaztelaniaz, 'URDINDUZ. Marcha solidaria por el autismo' jarri zioten 
izena ekitaldiari; euskaraz, berriz, 'URDINDUZ. Autismoaren aldeko 
ibilaldi solidarioa'.

Niri 'Autismoaren aldeko' horrek egiten dit min (izan ere, nor dago 
autismoaren alde?); baina, alternatibak bilatzen hasita, ez daukat horren 
garbi zer proposatu behar genukeen:

- 'Autismoarekiko elkartasuna erakusteko ibilaldia' (?) Ez dakit ez ote 
duen aurrekoaren aje bera (elkartasuna autismoarekin?).

Atzoko ekitaldiaren arrakasta ikusita, litekeena da etorkizunean berriro 
antolatzea eta, hala bada, gustatuko litzaidake alternatiba egoki bat 
izatea antolatzaileei proposatzeko.

Zer bururatzen zaizue?

Ondo-ondo bizi.

Jabier Zabaleta
Orioko Udaleko euskara teknikaria
euskara a bildua oriokoudala.com<mailto:euskara a bildua oriokoudala.com>
943 830 346 ->8

-----
No se encontraron virus en este mensaje.
Comprobado por AVG - www.avg.com
Versión: 2013.0.3465 / Base de datos de virus: 3722/7307 - Fecha de 
publicación: 04/06/14
-------------- hurrengo zatia --------------
Erantsitako HTML dokumentu bat ezabatu egin da...
URL: <http://postaria.com/pipermail/itzul/attachments/20140407/f549eea8/attachment.html>
-------------- hurrengo zatia --------------
A non-text attachment was scrubbed...
Name: marca_outlook_seguridad.jpg
Type: image/jpeg
Size: 66738 bytes
Desc: ez dago erabilgarri
URL: <http://postaria.com/pipermail/itzul/attachments/20140407/f549eea8/attachment.jpg>

------------------------------

Subject: Bilduma oina

_______________________________________________
ItzuL posta zerrenda
Mezuak bidaltzeko helbidea: itzul a bildua postaria.com
Zerrenda utzi nahi baduzu bidali mezu huts bat hona: itzul-leave a bildua postaria.com

------------------------------

Bilduma honen bukaera: ItzuL Mezu-Bilduma, 119 bilduma, 14. zenbakia
********************************************************************

-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20140408/734f6ea4/attachment.html>