[itzul] Choni, poligonera, superfuerte, estar rayada....

[LARRINAGA LARRAZABAL, ASIER]

	Atrebentzia ez bada, gogoeta batzuk helarazi nahi dizkizut, baliagarri izango zaizkizulakoan.

1. Ahalegindu zaitez gaztelaniazko testutik askatzen. Itzulpenerako, jaso testuaren espiritua, baina ez letra. Esate baterako:

	GAZT.:	¡Jo, tía, ha sido superfuerte!
	EUSK.:	Itzela izan da, neska!
	edo	Bai latza!
	edo	...

2. Hiztegietan, nekez aurkituko duzu "choni", "poligonera", "estar rayada"... Gaztelaniazko ordain arruntagoetatik abiatu beharko duzu bilaketan.

3. EiTBren webgunean HIKEA izeneko hiztegia duzu.
 
	http://www.eitb.com/eu/kultura/euskara/kontsultak/

GAIA (1) ataleko gaietako bat "Hizkera kolokiala" da. Zerrenda osoak eskura ditzakezu, GAIA (2) atalean "Alkohola eta drogak" / "Anatomia eta fisiologia" / "Balorazioa" / "Sexua" ...  aukeratzen baduzu, besterik markatu edo idatzi gabe.

Fitxak arakatzen badituzu, ikusiko duzu "zartada eduki", "pitzatuta egon" eta beste esapide batzuk jasota dauzkagula "estar desquiciado" esateko. Baliagarri izan dakizkizuke "Estara rayada"-ren ordain modura.

Asier Larrinaga
 
<http://www.eitb.com/es/grupo-eitb/detalle/2365756/eitbcom-inicia-cambio-eitbeus--grupo-eitb/
>
<http://www.eitb.com/eu/eitb-taldea/osoa/2365858/eitbeus-izateko-prozesua-abiatu-du-eitbcomek--eitb-taldea/>