[itzul] Besarkatu

[Ander Altuna-UEU]

Adibidez:

  * ERABAKIA, Herri Kontuen Euskal Epaitegiaren Osokoak 2012ko
    maiatzaren 31ko bilkuran hartua, Nerbioi Itsasadarraren Ezkerraldeko
    Udalerrien Mankomunitatearen 2010eko Kontu Orokorraren fiskalizazio
    txostena behin betiko onesten duena.


    Fiskalizazio lan honek honako alderdi hauek *besarka**tzen* ditu:

    Kontu Orokorrak honako atal hauek *besarkatzen* ditu:
    Mankomunitatearen egoeraren balantzea, galera-irabazien kontua eta
    memoria; baita udalaren aurrekontuen likidazioa ere.

    Lanaren zabalak ez du gastuaren eraginkortasun eta zuhurtasunari
    buruzko azterlan berariazkorik *besarkatu; *


  * Herri Kontuen Euskal Epaitegiaren webgunean:


    Lanerako sail bakoitzak, aldi berean, ekonomialari-auditoreak,
    lantalde bakoitzari esleitutako letratuen legezko aholkularitza eta
    fiskalizazio lanak egiteko beharrezko den administrazioko langileria
    *besarkatzen* du.


  * Erlijioaz zein ideologiaz diharduten testuetan ere ageri, beste
    adiera batekin, adibidez:


    baina badira maoismoa *besarkatzen* dutenak ere.




or., 2015.eko urrren 16a 09:08(e)an, Amaia Apalauza igorleak idatzi zuen:
> Egun on:
>
> Egokia iruditzen zaizue /besarkatu/ aditza, gaztelaniazko /abarcar/ 
> adierazteko? Esate baterako, zuzena da esatea /lege batek X eremu 
> geografikoa besarkatzen /duela? Badakit badirela hori esateko beste 
> modu batzuk, baina ontzat joko zenukete erabilera hori?
>
> Orotarikoan badira horren tankerako adibide (gutxi) batzuk:
>
> /*3.*/ (H). Abarcar. "Embrasser, contenir, comprendre. Ainhitz gauza 
> hitz batek besarkatzen ahal tu,une parole peut enfermer bien des 
> choses" H. Bena següro dena da Jinkoak nahi dian bezaiñbeste besarkatü 
> gaiza dütiala eginen, harek diala Ekhia egin. Egiat 251. Badabiltza 
> goizdanik batzuk ikhasteko; / Ez bezate sobra lan besarka aldiko: / 
> Erdi yakinsun denak guti du balio. Hb Esk166. Gure muthikoak, 
> begikolpe batez, besarkatu zuen San-Inaziora heltzeko segitu behar den 
> orga-bide luzea. Elzb PAd2. Lenengoa[errimoltzoa], 
> kantauri-itxasaldeko lurretan bizi zan, Asturiastik asi ta Dordogne 
> eta Ariége deritzaien ibaietaraño. Erdi-inguruan gure Euskalerria 
> besarkatzen zuan. JMB ELG29. Ezin molda dezakete egiazko literatura 
> bat, hots, izpirituaren ekintza osoa besarkatzen duena. Mde Pr236. Eta 
> guk lur huntan ez baitugu deus osorik besarkatzen, gogoan du asmuz 
> bederen oro ageri litazken gai haratarat heltzea. Lf inZait PlatXXI. 
> Eztut uste nere bertsoekin dena besarkatzerik, eun mingain, aleun ao 
> eta burnizko aotsa banitu ere. Ibiñ Virgil83. Hitzek, jakina da, 
> badute beste zerbait, adimenez nolazpait besarka daitekeen adieraz 
> gainera, adimenak ikusten ez badu ere bihotzak uki dezakeena. MIH 348.
>
> Eskerrik asko, eta besarkada bana :-)

-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20151016/902dbc5e/attachment.html>