[itzul] Marratxoaren erabileraz

[Ander Altuna-UEU]

Urte-bitarteak (adibidez: 1975-1978) idazteko marratxoa erabili ohi da 
(zuriunerik gabe), beraz zuk dakarzun adibidean ere marratxoa erabiltzen 
dugu, eta ez marra luzea. Wordek automatikoki egiten duen marra hori 
guretzat minus (–) da (Alt+0150), tarteki-marra luzeagoa egiten dugu (—) 
(Alt+0151).

Zuzenketa automatiko hori desaktiba dezakezu: Berrikusi > Hizkuntza > 
hizkuntza-hobespenak > zuzenketa > zuzenketa automatikoaren aukerak > 
ordeztu idatzi ahala marratxoak (--) marra luzearekin (–)

Zuriuneei dagokienez, ez dakit araurik dagoen, baina horrelakoetan 
zuriunea uzten dugu (marratxoaren aurretik eta atzetik), zure adibidean 
bezala: Mikaela Elizegi (Asteasu, 1869 - Donostia, 1967)


2017/11/09 10:41(e)an, Amaia Apalauza igorleak idatzi zuen:
> Egun on:
>
> Jakin nahi nuke nola erabiltzen duzuen edo nola erabili behar den 
> (baldin eta araurik badago) marratxoa kasu jakin batean. Zehazki, 
> jakin nahi dut ea zuriunerik uzten duzuen marratxoaren aurretik eta 
> atzetik honelakoetan:
>
> *Mikaela Elizegi (Asteasu, 1869 - Donostia, 1967)*
>
> (Alegia: jaiotza-lekua, jaiotza-urtea - heriotza-lekua, heriotza-urtea)
>
> Bestalde, zuriunea sartzean, Word-ek automatikoki luzatzen du 
> marratxoa, eta tarteki-marra bihurtu (hemen ezin dut aldatu).
>
> Beraz, bi galdera:
> 1. Zuriunea utzi behar da marratxoren aurretik eta ondotik?
> 2. Tarteki-marra erabili behar da halakoetan?
>
> Eskerrik asko,
>
> Amaia

-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20171109/3d7ffdff/attachment-0001.html>