[itzul] Puyo del Castillón

[Gotzon Egia]

> Kaixo. Zangozan dago, eta hori berreskuratzeko proiektu bat aurkeztu 
> dute. Interneten bila ibili naiz, baina erreferentzia baino ez dut 
> topatu (izena bera, ez besterik).
>
> Nola emango zenukete hori?
>
Wikipedian, Zangozaren sarrerran, gaztelaniaz aipatzen dute gain horren 
jatorrizko izena «Arangoiz» dela, ziurrenik *Arangoitz*:

    *«Castellón*o*Casteillón*; el antiguo castillo se encontraba situado
    en una colina, el Puy de Arangoiz...»

Zoritxarrez, euskarazkoan ez dute halakorik jaso.

Dena dela, ez nuke zalantza egingo hala denik. Besteak beste, hiru.eus 
webgunean, «Zangozako gaztelua 
<http://www.hiru.eus/es/historia/gazteluak/gaztelu-guztiak/-/journal_content/56/21564/ZANGOZAKO-GAZTELUA>» 
atalean: «Kastellongo gaztelua izena ere ematen zaio. Zangoza herriaren 
gainean zegoen gaztelua, baina Aragoi ibaiaren beste aldean, 
eskuinaldean, Arangoitz izeneko mendi multzoan».

Ginera, Zangozako AEKren euskaltegia Arangoitz deitzen da.

Ohargarria da, baita ere, gaztelaniazko izen generikoa -dirudienez, 
toponimo izatera iritsi dena- zalantzakoa izan dela, hiru aldagai hauen 
artean: /castellón, castillón, casteillón/.

-- 
Gotzon Egia
gegia a bildua gipuzkoa.eus
43º 19' 15" N 1º 58' 57.5" W
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20180216/220e6437/attachment.html>