[itzul] Pantallazo

[Edurne Alegria]

Mila esker, Asier, zure erantzunagatik “berrogeialdia” dela eta.

Bi irizpide azaldu dituzu “koarentena” erabiltzearen alde: bata, hainbat medikuk hitz hori erabiltzen dutela, alegia. Agian, ez dakitelako euskaraz “berrogeialdi” hitza dugunik, eta espainola jaun da jabe den arloan ez da harritzekoa hitz hori hobestea. 

Bestalde, Europako hizkuntzetan oso zabaldua den hitza dela diozu, baina, nire uste apalean, euskal ikus-entzuleari bost axola zaio txekieraz, danieraz edo hungarieraz hitz hori nola esaten den, alta, euskaraz entzutea mesedegarria zaio.

Erran dezadan, bide batez, egunotan entzuten ari garen “koarentena” hitzarekin hamalau eguneko egonaldia adierazi nahi dutela eta ez berrogeikoa, euskara erraza eta ulergarrian: “hamalaualdia”.  Ez dakit “catorcena” eta “quatorzaine” baino “kontundenteagoa” eta “elokuenteagoa” den, baina zuzena eta zehatzagoa behintzat bai.

Gaizki esanak barkatu eta ondo esanak gogoan hartu.

Edurne

 

Hizkuntza bat galdu egiten da 

nonbaiten bizitzeko beharrezkoa ez bada

 

Hemendik: LARRINAGA LARRAZABAL, ASIER [mailto:larrinaga_asier a bildua eitb.eus] 
Bidaltze-data: 2020(e)ko apirilaren 17(a), ostirala 09:45
Hona: 'Bakartxo ARRIZABALAGA'; 'ItzuL'
Gaia: Re: [itzul] Pantallazo

 

EiTBn, "berrogeialdi" erabiltzen hasi ginen, baina hainbat medikuk esan ziguten eurek "koarentena" erabiltzen dutela, eta hori ere baliatzea erabaki genuen. Hori ere bai, alegia, "berrogeialdi" baztertu barik.

 

Zientzia eta teknologiaren hiztegi entziklopedikoan (https://zthiztegia.elhuyar.eus/), hautu bera egin dute.

 

Oro har, Europako hizkuntzetan, zalantzabakoa da "koarentena", Europar Batasunaren terminologia bankuan (https://iate.europa.eu/home) kontsulta daitekeenez.

 



 

Asier Larrinaga Larrazabal


 

 <http://www.eitb.eus/link-banner-email-ezkerra/> 

 <http://www.eitb.eus/link-banner-email-eskuma/> 

 

 

-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20200417/d5368ca1/attachment-0001.htm>
-------------- hurrengo zatia --------------
Testu hutsa ez zen mezu bat ezabatu egin da...
Izena: image001.png
Mota: image/png
Tamaina: 26908 bytes
Azalpena: ez dago erabilgarri
URL : <https://postaria.com/pipermail/itzul/attachments/20200417/d5368ca1/attachment-0001.png>
-------------- hurrengo zatia --------------
Testu hutsa ez zen mezu bat ezabatu egin da...
Izena: image002.jpg
Mota: image/jpeg
Tamaina: 12620 bytes
Azalpena: ez dago erabilgarri
URL : <https://postaria.com/pipermail/itzul/attachments/20200417/d5368ca1/attachment-0001.jpg>