[itzul] Onartzekoa da hau?

[Fernando Rey]

Egun on, lankideak.


Azken bolada honetan duda pizten ari zait onartzekoa ote litzatekeen 
honako esaldi hau:

*Nik, Fermin Goñi Zubiri, Nafarroako Unibertsitateko Osasun Zientzien 
fakultateko idazkari naizen aldetik, ....*

Garai batean, denek, dudarik gabe, ergatiboa jartzen genion izenari 
(Nik, Fermin Goñi Zubirik, xxxxx), baina azkenaldi honetan horren 
premiarik ez dagoela sartu zait kaskoan.

Begiratzen aritu naiz EBEan, baina ez dut aurkitu (txarra naiz halako 
bilaketetan).

Kontua da iruditzen zaidala hor nolabaiteko elipsia dagoela, datetan 
egiten dugun elipsiaren antzekoa:
Nik, Fermin Goñi Zubiri (bainaiz), xxxx

Martxoaren 4an, asteazkena (asteazkena baita), xxxx


Ez dakit bekatu handia ote den, edo norbaitek ba ote duen esaterik 
ortodoxoa izan ote litekeen ergatiboa jarri gabe.

Mila esker aldiz aurretik.

Fernando Rey





-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20210301/cb6b341a/attachment.htm>