[itzul] Erantzukizun/Erantzunkidetasun

[Xabier Aristegieta]

Oso galdera ona, Patricia, eta zurekin bat egiten dut.

Zuk azaldutako adibideak agerian uzten du hitz-eraketan gauzen
erregulartasunetik desbideratzen diren aldaketa fonetikoak sarrarazteak
sistematikari kalte egiten dioten disfuntzioak sortzen direla batzuetan.

Pentsatzen dut "erantzuNkizun"i kakofoniko iriztetik heldu dela tarteko N
hori kentzearena. Baina kakofonia-irizpide hori oso hala moduz erabiltzen
da [barka "oso hala moduz" idazteagatik, eta ez "oso halamoduz", baina
Euskaltzaindiaren Hiztegiak horretara behartzen nau]:

   - "erantzunkizun"etik kentzen bada, "entzunkizun"etik ere kendu beharko
   litzateke eta "entzukizun" esan?
   -  "osasundun"en ordez "osasudun" esan?
   -  "hegazkingintza"ren ordez (horrela agertzen da Euskaltzaindiaren
   Hiztegian) "hegazkigintza"?
   -  "hiztegigintza"ren ordez (hala agertzen da Euskaltzaindiaren
   Hiztegian) "hiztegintza"?
   -  "ernegagarri"ren ordez  (hala agertzen da Euskaltzaindiaren
   Hiztegian)  "ernegarri"?

Esango nuke sistematika pittin bat falta zaigula.

Xabier Aristegieta

Hau idatzi du Patricia Jorge Kuartango (kuartango a bildua gmail.com) erabiltzaileak
(2023 ots. 9, og. (13:13)):

> Kaixo guztioi, aspaldiko partez:
>
> Zalantza: lehenagotik «erantzukizun» bageneukan, zergatik, gero,
> «erantzuNkidetasun»?
>
> Itzel kosta zitzaidan lehenengoa «n» barik idazten ikastea, eta, orain,
> bigarrenarekin, nahastu egiten naiz sarri  😁.
>
> Ondo-ondo segi!
>
>
>
> Patri
>
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20230209/8cda277d/attachment.htm>