[itzul] Ekimena: Euskara informaleko itzulpena - Hartu parte!

[NORA ARANBERRI MONASTERIO]

Kaixo denoi:

Dakizuenez, noizean behin zuengana, eta euskal komunitatera orokorrean, jotzen dut HiTZ Zentroan (www.hitz.eus<http://www.hitz.eus>) itzulpenaren arloan darabilgun ikerketaren baten harira, laguntza eske. Euskarazko itzulpenaren gainean jarduteko, nor zerrenda honetako kideak baino hobe? Tira, aspaldi alamenik eman gabe, hementxe natorkizue, berriz ere.

Oraingo honetan, euskara informaleko itzulpenaren gaineko ekimen baten parte hartzera gonbidatu nahi zaituztet. Txioen mundura egin dugu salto, eta horien euskarazko itzulpenak baloratu. Beti bezala, hainbat eta hainbat boluntarioren lana biltzeko beharra dugu, ondorio txukunen bat aterako badugu, hortaz, animatu zeuek eta animatu ingurukoak ere! Parte hartzeko irizpide bakarra da gutxienez euskarazko C1 maila izatea.

Parte hartzeko, sartu hurrengo helbidera eta... ondo pasa!

www.berbak.eus<http://www.berbak.eus>

Mila esker aurretiaz zuen parte hartzeagatik. Emaitzak aztertuta, bueltatuko naiz ondorioekin.

Nora

PD. Iruzkinik partekatu nahi izanez gero, idatzi zalantzarik gabe: nora.aranberri a bildua ehu.eus


---
Nora Aranberri
HiTZ Zentroa, Informatika Fakultatea
Ingeles eta Aleman Filologia eta Itzulpengintza eta Interpretazioa, Letren Fakultatea
UPV/EHU
-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20250624/be0a6617/attachment.htm>