[itzul] Re: Ateraz/atereaz gero

[Luistxo Fernandez]

Patxi Petrirena <altxupere a bildua ...> writes:

> 
> >*atereak* horrek non du oinarria?
> 
> Zenbait aditz -a amaierakoren partizipioa, predikatu-osagarri denean,
> horrela ematen da (ez bada '-tako/-dako' moduan egiten). 
> 
> atera --> ateraTAKOA / atereA (baita 'ateraIA' ere).

Bai, ikasia dugu hori entzun eta irakurriarekin. Beraz, *arau* hori euskara
batua da, ezta?

Irratian ere hainbat bider entzuna jokalari batek *hankean* min hartu
duela... baina hori ez da euskara batua, hori seguro behintzat.


> 
> Hara, hain zuzen, zer duzuen Eibarko Euskeria hiztegian:
> 
>    cueste lo que cueste: KOSTIA KOSTA [kostea kosta] 

Honek ez du ezer partikularrik Eibarko euskaran edo bizkaiaeran oro har,
non -a amaiera + -a artikulu singularra = -ea

Hala ere, bizkaierazko horrek singularrarekin funtzionatzen du, ez
pluralarekin.
Eta pluralezko -ak bat gehituz a-rekin amaitzen den aditz partizipio
bati... ez zait adibide naturalik etortzen burura neure herriko hizkeran.

Demagun, 'bota' aditz partizipioa (jaurti) eta 'bota' izena (oinetakoa):

Euskara batuan:
bota (aditza) + a = botea
bota (aditza) + ak = boteak
bota (izena) + a = bota
bota (izena) + a = botak

Bizkaieraz:
bota (aditza) + a = botea
bota (aditza) + ak = ???
bota (izena) + a = botea
bota (izena) + a = botak

Taula hauek honela dira? 
(bueno, bizkaierazkoan lauki bat betetzea falta zait, 
ea inork laguntzen didan).

Luistxo