ER: [itzul] arin-arin

As, Aza 16, 14:05:58, CET 2004

Kasu batean, bederen, guztiz onargarria da: aditz-izena nominalizazio petoen
gisako joskeraz erabiltzen denean ("hirien euskalduntzea sustatzea").

Bestela ere, ez dut uste debeku gramatikalik dagoenik ("hiriak euskalduntzea
sustatzea"), baina, beharbada, -tzea + -tzea segida horrek trakesteaz
gainera, "hiriak", kasu horretan, aditz bien subjektutzat har liteke, eta ez
dirudi oso gomendagarria, alde horretatik ere.
Horretaraz gero, hobe jokatua: "hiriak euskaldundu daitezen sustatzea".

Jokatu zein jokagabe, geratzen den auzia da ea  nominalizazio petoa ez den
egitura "sustatu" aditzaren objektua izan daitekeen (kontu semantikoa da).
"Bultzatu"rekin ez dago batere garbi:

"hiriak euskaldundu daitezen bultzatzea"

Alegia, badirela aditz asko nominalizazioak gobernatzen dituztenak (eta
haiek soilik). Halakoa bada "sustatu" (eta hala delakoan nago), ez da egoki
aditz-izen arruntarekin erabiltzea.

Testuingurua falta da, hala ere, jakiteko hori den hor kasua.

-----Jatorrizko mezua-----
Nondik: itzul-bounces a bildua postaria.com
[mailto:itzul-bounces a bildua postaria.com]Honen izenean: Arin-arin
Bidalia: Asteartea, 2004.eko azaroak 16 13:26
Nora: itzul a bildua postaria.com
Gaia: [itzul] arin-arin

Atzo ere galdetu nizuen, baina ez nuen erantzunik jaso. Ea laguntzen
didazuen mesedez:

Askotan ikusi ditut "zabaltzea sustatzea" bezalako egiturak, "promover
la apertura" esateko. Oraingo honetan erakunde baten helburuen artean
zerrendaturik
ikusi ditut.

Zuzena al da hori?

Eskerrik asko

Arin-arin Itzulpen Zerbitzua