[itzul] Onenak eta txarrenak sailkatuz

[mikelhb a bildua teleline.es]

On 19 Apr 2005 at 10:46, Patxi Petrirena wrote:

> Baiezkoan nago. Eta beste bi aldaera ere baditugula iruditzen zait: 
> 
> "Munduko bigarren herrialdea da TXIKIAN"
> "Munduko herrialde TXIKIENETAN bigarrena da"
Eta partitiboa ere bai, nahiz eta ezin gutxiago erabiltzen 
den gaur egun:
"Munduko herrialde txikienetarik bigarrena"

Zuk ekarri adibidea, gaztelaniazkoa, argi ulertzen da: "el 
segundo en importancia", baina "el segundo más grande" 
esateko, ziuraski ez da inoiz erabiltzen "el segundo en 
grandeza".
Kalkoak bai, askotan, baina zenbaitetan ongi ekarri izan 
daitezke, nire ustez.

> Pixka bat aldatzen da kontua, esate baterako, honako honetan:
> 
> "Bigarren denbora onena egin du sailkapen-lasterketan".
Honetan nire zalantza bat ageri da, beste kontu bat bada 
ere:
Gaztelaniatik heldu zaigu, nire ustetan, "clasificar" esateko 
sailkatu aditza erabiltzea; nire zalantza honakoa da: 
beharbada "clasificar" horrek ez du plural esanahirik, eta 
elementu bakarra sar daiteke bere "clasean", eta hura 
"clasificatu"; Euskaraz, ordea, ez dakit egokia den, 
elementu bat bere sailean sartzeko, edo lehiaketa baten 
hurrengo fasera pasatzeko, sailka jartzea, sailkatzea. Ez 
ote da hedadura semantiko axolagabe samarra erabiltzen 
duguna? Iritzirik?

Mikel