[itzul] parentesi barrukoa nola deklinatu

[Gotzon Egia]

> parentesi barrukoa deklinatu beharra dago ala nominatiboan eman daiteke.
> adibidez,
> Kausa antropikoek (inguruko instalazioetan izandako istripu*ak/ek*, 
> sabotaje*ak/ek*, etab.) eragindakoak.

Iruditzen zait funtsean aurreko egunetan zerrendan eztabaidatu den auzia 
dagoela hor (ikus «Erakundearen Izena (SIGLA) -deklinabidea-» izenburua 
duen mezu haria).

Aurreko eztabaidan ez nintzen partaide izan, baina nire iritzia 
laburtuko dizut orain: parentesia edo gisako beste eten luze bat 
erabiltzen denean, iruditzen zait zilegi dela eten sintaktikoa ere 
egitea, hori da, parentesi barrukoa perpausaren lotura sintaktikoez 
kanpo uztea, nominatibo soilean.

Adibide soil bat, esan nahi dudana argitzeko: «Georg Wilhelm Friedrich 
Hegel filosofoa Stuttgarten (Alemania) jaio zen 1770ean». Izan ere, 
«...Stuttgarten (Alemanian) jaio zen» idatziz gero, Stuttgarten eta 
Alemanian jaio zela ari gara esaten, eta hori egia da, baina erdizka 
egia: Alemaniako Stuttgarten jaio zen, baina behin bakarrik, noski.

-- 
Gotzon Egia
gegia a bildua gipuzkoa.net
43º 19' 12.8" N 1º 57' 49.6" W