[itzul] Etxebarri

[LARRINAGA LARRAZABAL, ASIER]

	EiTBk Euskaltzaindiari egindako galdera baten erantzunean honela dio
Akademiak Etxebarria deritzon Lea-Artibaiko udalerriari buruz:

	<<Izen hau Euskal Herrian _Etxebarria_ deitutako beste herrietatik
bereizi behar denean, honela erabiliko da:
-Izenburu gisa: _Markina Etxebarria_
-Testuetan, deklinaturik eman behar denean: _Markina Etxebarriko senar
emazte bik_...>>.

	Hala dago erabakita. Bizkaiko zerrendaren errepasoan, oraindik ez
dira heldu Hego Uribeko Etxebarrira (ez, behintzat, guri erantzun
digutenean).

	Gorago aldatu dudan testuan marra barik ageri da _Markina
Etxebarria_, baina <<senar emazte>> ere bai. Beraz, akatsa izan liteke. Ez
dirudi akatsa denik, eta horrelako toponimoak marra barik hobesten bide
dituzte, zerrendaren beste parte batean _Lezama Txorierri_ ageri da eta.

Asier Larrinaga