(Fwd) RE: [itzul] eposta?

[mikelhb a bildua teleline.es]

On 28 Nov 2005 at 13:45, LARRINAGA LARRAZABAL, 
ASIER wrote:

>  · Hizkuntza bakoitza, hizkuntza horren erabiltzaileak -hobeto
> esanda- libre dira nahi dutena egiteko, baina ez dezatela uztarririk
> ezarri beste inoren lepoan. Zergatik ibili behar dugu euskal
> hiztunok ingeles hiztunen hizkuntza-ekonomiaren kontrako joeraren
> atzetik? Gaur egun <<posta>>, <<mezu>>, <<helbide>> eta hainbeste
> gauza esaten ditugunean, ulertutzat ematen dugu <<elektroniko>>
> daukatela atzetik.

(Hilaren 28an idatzitakoa, e-arazorengatik ezin igorria)
Tira, tira, ekonomiaren bideak eta bidezidorrak korapilatsu 
samarrak izaki-eta, hizkuntza-ekonomian ere ez dakit euri-
borratzen hasi zaizkigun.
Izan ere, gauzak beste hizkuntzetako hiztunek bezala 
taxutzea ere nahiko uztarri pisua dugu; niretzat, berdin 
daramagu uztarria direlako helbide horiei "elektroniko" 
kalifikatzailea ezartzen diegunean, ez transistorerik eta ez 
kondentsadorerik, halako elementurik ez daukatelarik. 
Etxeko helbidea porlan- edo adreilu-helbidea ez den 
bezala.
Helbide digitala? internet-helbidea? tekla-helbidea?

@ ikurra izendatzekoak ere nahiko lana ekarri zuen. 
Azkenean bide deskriptiboa (eta serioa) onartu zen, 
hainbat proposamen barregarri bazter utzita. Arroba omen 
zen gehien erabiltzen zena, baina ekonomia legeak huts 
egin zigun, eta Euskaltzaindiaren legearen uztarria 
leporatu. Bide laburragorik ere bazen: "A harroa", esate 
baterako, bi txori tiro batez akabatzekotan.

Orain, helbide elektronikoa badugunez, mezu 
elektronikoak igortzen ahal ditugu, hitz elektronikoak 
elkartuz eta ideia elektronikoak plazaratuz. Lan 
elektronikoa. Bizitza elektronikoa.

E-agur
Mikel



> Zertarako esplizitazio antiekonomikoak? Ez denbora asko barru,
> sekulako esplizitazioak eta azalpenak egin beharko ditugu etxeko
> helbidea (herria, kalea...) galdetzeko. Zer dela eta hasi behar dugu
> joera naturalari kontra egiten?
> 
>  · Alderdi grafikoari dagokionez, ez dakit zer daukan txarrik
> euskaraz <<el.>> jartzeak, zeozelako premia badago: <<helbide el.>>,
> <<posta el.>>... Nik mila bider erabili izan dut <<helb. el.>>
> formulario, fitxa eta abarretan.
> 
> Asier Larrinaga
> 


------- End of forwarded message -------