[itzul] teclear

[Antton Gurrutxaga]

Nire ustez, lehenengo 'teclear' ezin da adierazi 'sakatu' edo '(teklak)
jo'-ren bidez. Ez dut uste zenbakiak sakatzen ditugunik, eta 'teklak jo'
erabiliz gero, nola sartu beste objektu bat perpausean? (izen bat, esaldi
bat...). Horiek balio dute botoia, tekla (edo 'giltza')... 'fisikoki'
zanpatzeko.

Adiera hori ez dator DRAEn, baina argi dago maiz erabiltzen dela gaztelaniaz
'teclear' 'introducir o escribir por medio del teclado' adierazteko
(ordenagailuan, telefonoan...). Gure hiztegietan ere falta da, eta sartzekoa
litzateke.

Hori-hori-ko lagunak proposatu duen 'sartu zeure kontuaren zenbakia' edo,
bestela, 'idatzi zure kontuaren zenbakia' erabil litekeela uste dut. Beste
irtenbidea 'tekleatu' mailegua hartzea da, noski; guk eman genuen hiztegian,
baina aztertzekoa da adiera horretarako merezi duen onartzea.

Dena den, 'teclear', berez, 'pulsar las teclas' da:

DRAE:  1. intr. Pulsar las teclas de una máquina o de un aparato. U. t. c.
tr.
	2. intr. Pulsar las teclas de un instrumento musical. U. t. c. tr.

Beraz, beti ez dago 'idatzi', 'sartu' eta horrelakoen bidez itzultzea;
adibidez:

----------------
PSYLock reconoce tu forma de teclear ... Por lo visto es un software que
saca la identificación única (o eso dicen) de la forma de teclear de cada
uno, ... (barrapunto.com/article.pl?sid=05/10/29/0949235))

Curso para Teclear sin ver en 4 Días, Interactivo, muy efectivo ...
Curso en CD para teclear sin ver en 4 días, $200 MN más envío. para edades
desde 8 años en adelante. Con audio y video, Hasta 400 pulsaciones por
minuto en ...
(foros.directorio.com.mx/groupee/forums/a/tpc/f/420602147/m/5531004541)

Baquía: ¿Harto de teclear? Use un portal de voz
El matrimonio entre la Red y la telefonía ha dado como fruto los portales de
voz, nodos que permiten que la información online llegue a cualquier lugar
...(www.baquia.com/noticias.php?id=9099)
----------------

Horrelako euskaratzean, gutxienez, 'teklak jo/sakatu' beharko da, seguru
aski (eta 'tekleatu' erabiltzen dela ere aitortu behar litzateke,
beharbada).

'pulsar la tecla continuar' dela eta, uste dut horrelako gehienetan idatziz
'sakatu' erabili dela, eta ez 'jo' (software-lokalizazioan bai behintzat);
hori esanda erabileraz ari naiz, ez naiz horretarako 'jo' zuzena edo egokia
den epaitzen ari.


-----------------------------------
Antton Gurrutxaga
> ELHUYAR Hizkuntz Zerbitzuak
> Zelai Haundi, 3 Osinalde Industrialdea / 20170 Usurbil
> (+34) 943 36 30 40
> agurrutxaga a bildua elhuyar.com / www.elhuyar.org
-----------------------------------



-----Mensaje original-----
De: itzul-bounces a bildua postaria.com [mailto:itzul-bounces a bildua postaria.com]En
nombre de jrbilbao a bildua bbk.es
Enviado el: viernes, 28 de abril de 2006 14:34
Para: ItzuL
Asunto: [itzul] teclear


Zerbitzu informatizatuetan eta, sarri agertzen zaizkigu mota honetako
esaldiak:
- teclee su número de cuenta
- pulse la tecla "continuar"

"Teclear" emateko guk, "tekleatu", "tekla jo" eta "tekla sakatu" erabili
izan ditugu:

Elhuyar eta 3000 hiztegietan "tekleatu" eta "tekla(k) jo" datoz, baina
bezero bat etorri zaigu esanaz, Euskaltzaindiako Jagonet zerbitzuan galdetu
duela eta, "jo" barik "sakatu" beharko litzatekeela.

Kutxazainetan ditugun "jo" guztiak kendu eta "sakatu" jarri beharko ditugu?