[itzul] Euskarazko testua ezkerrean

[Bittor Hidalgo]

Nik ez dut legerik edo araurik ezagutzen. Baina bada falazia bat honetan 
(ere). Eta da, "euskarari lehentasuna edo man nahi zaiola, hau lehenik 
emanez, eta beraz irakurketan ezkerretik hasten garenez, ezkerreko lerroa 
euskarari". Kontua da publizitate ikerketa guztiek diotela irakurleak 
lehenik begiratzen diola testu batean eskuinari eta goiko aldeari. Hori dela 
ikusiena, erakargarriena eta eragingarriena. Horregatik egunkarietan 
publizitatea garestiagoa da eskuineko orrialdeetan ezkerrekoetan baino, eta 
goialdean behealdean baino. Gainera, nornahik geure esperientziaz hausnartu 
genezakeen eran, askoz ere erosoagoa da bistarentzako eskuineko zutabea 
irakurtzea, ezkerrekoa baino (behintzat ondo eta osorik irekitzen diren 
txosten edo liburusketan; agian ez hainbeste, enkoadernazio eskaseko 
liburuetan eta), ezkerreko zutabea beti da nekezagoa (guk bezala ezkerretik 
eskuinera irakurtzen dugunontzat; eta alderantziz, arabiar, hindu, japoniar 
edo eskuinetik ezkerrera irakurtzen dutenentzat).
Beraz, euskararen erabilera bultzatu nahi badugu, emantzaiogun honi 
irakurgai eta publizitateetan, eskuin eta goiko aldea (nahiz eta lehen 
inpresioan kontraesanean egon "euskara lehen" edo printzipioarekin).
Nire iritzia da, eta segurasko oso eztabaidagarria, ez naizelako aditu 
irakurketaren psikologia eta publizitate kontuetan ere, baina hauek 
interestatu zaizkidan neurrian ibili ditut nire bideak, eta galdera hau 
erantzuteak bide eman dit. Norbait mesedegarri bazaio, ondo; bestela 
zakarrontzira.

Ondo izan urte hasiera

Bittor
>
> Administrazioko testurik gehienak euskaraz eta gaztelaniaz idatzirik
> argitaratzen dira, bi zutabetan eskuarki, euskarazkoa ezkerrean dela.
> Badakizue zerbaiten lege edo arauren bat baden euskarazkoa ezkerreko 
> aldean
> jarri behar dela agintzen duenik? Zein?
> Eskerrik asko.
>