[itzul] ¿Sabes idiomas?

[Gotzon Egia]

> Nola esango zenukete "¿sabes idiomas?" esamoldea euskaraz?

Esate baterako:

«Ba al dakizu beste hizkuntzarik?»

Izan ere, hizketan jakingo du, nola edo hala , galdera horren entzuleak, ez?

Xelebrea da, batzuetan, gazteleraren harrokeria. Iruditzen zait «¿Sabes 
idiomas?» galdetzen duenak ez lukeela gaztelera «idioma»-tzat sekula 
hartuko. Bestela esanda: gazteleraz egitea «hitz egitea» da, normal, 
arnas egitea bezain gauza naturala, eta gainerakoak «idiomak» dira, 
gauza exotikoak, interesgarriak agian, baina bitxiak inondik ere. Behin 
galdetu zidan batek, serio demonio, ea ez ote nintzen nekatzen, egun 
santu guztiak euskaraz hitz egiten... Harentzat, gurea «idioma» izango 
zen, deus izatekotan.


-- 
Gotzon Egia
gegia a bildua gipuzkoa.net
43º 19' 13.5" N 1º 57' 50.4" W