[itzul] Arestiren bertsoak

[Laxaro Azkune]

Neuri ere ezagunago egin zait Juanen "Euskaldun fededun gisan", "Kristau
prestu bat bailitzan" baino. Gure gazte denboran horrela kantatzen genuela
uste dut.
Laxaro

2008/10/16 EGUILUZ UGARRIZA, Jose Ramon <jose.ramon.eguiluz a bildua bizkaia.net>

> Oskorriko Natxo de Feliperi galdetuta, berak emandako erantzuna:
> 1971ko uztailaren 31n kantatu zituzten Gabriel Arestiren bertso horiek
> estrainakoz jendaurrean, non eta toki bitan. Egun horretan Oskorrik bi
> ekitaldi eman zituen, lehenengoa Bilboko Bolueta auzoko "Cine Bolueta"n
> eta ondoren Laudioko (Araba)Areta auzoan.
> Ez ahaztu Oskorrik kantatutako Gabriel Arestiren bertso horien izenburua
> "Astoarena" dela, baina aurretik Mixel La<begerrirena zegoen "Balaan
> astoa" izenburukoa.
>
> Mixel Labegeriren "Balaan astoa" kantaren letra:
> Astoa Balaan
> Gure astoa Balaan
> Izan zerauku elizan.
>
> Asto koxkor bat zela debozionetan
> Sartu zen elizako koro barne hetan
> Eta ihanka lotu bere otoitzetan,
> Aldereko buketak ausikiz artetan.
>
> Utzirik lo kuluxka ta kofesionala,
> Jaun ertorak hartu du kurutze makila,
> Eta hartaz zanpatuz debrutarat zoala
> Elizatik aizatu oi, gure kabala.
>
> Zergatik ez den aizu elizan astorik
> Pentsaketan ari da Balaan geroztik,
> Orhoit baita asto bat beretter izanik
> Lehen eguberria gertatu zelarik!
> (Letra eta musika: Mixel Labegerie)
>
>
> Eta Gabriel Arestirena, gero Oskorrik jendaurrean hainbat aldiz
> kantatua, eta Mixel Labegereiren aurreko horretan oinarrituta:
> Astoarena
> Kristau prestu bat bailitzan
> asto bat dago elizan.
>  Hantxe da abiatu
> debotenganantza
> eta beste bat dela
> ematen du antza
> baina haren otoitza
> dirudi burlantza
> pater nosterrik gabe
> egin du arrantza.
> Kristau prestu bat bailitzan
> asto bat dago elizan.
> Korura igon eta
> han daude kantari
> apezpiku jaunaren
> hogei zerbitzari
> pena ematen diote
> gure astoari
> ez baitaki latinez
> gaixo pekatari.
> Kristau prestu bat bailitzan
> asto bat dago elizan.
> Apaiza semoilari
> dago pulpituan
> hainbeste garraxia
> arnasa itoan
> gure astoarekin
> sartu da pleituan
> eta honen arrantzak
> ixiltzen zituan.
> Kristau prestu bat bailitzan
> asto bat dago elizan.
> Elizan du sufritu
> momentu larririk
> arrantzarik gabeko
> lastimagarririk
> kristau belauniko
> lurrean jarririk
> inork ez du ikusi
> haren belarririk.
> Kristau prestu bat bailitzan
> asto bat dago elizan.
> Buztana altua eta
> korotik erori
> bertan akabatzen da
> ez delako txori
> zerura jotzen eta
> aita San Pedrori
> zer moduz gustatuko
> asto nabar hori.
> Kristau prestu bat bailitzan
> asto bat dago elizan.
> Aita San Pedrok dio
> ai zer patzientzi
> zeruan astorik
> ez zuen lizentzi
> baina sarrera onik
> nola galerazi
> kabestroan dakarzki
> hamar indulgentzi.
> Kristau prestu bat bailitzan
> asto bat dago elizan.
> (Hitzak: Gabriel Aresti
> Doinua: Laberguerie / Oskorri)
>
> Bestetik Juan Garziak aipatutako "Euskaldun fededun gisan" delako
> bertsioa, gero autozentsuratua edo izan zena dela eta, Natxok dio bai,
> ez zaiola arrotz gertatzen izenburu hori, baina seguruen lagunen arteko
> giroan edo kantatuko omen zuten bertsio hori, baina ez duela uste inoiz
> grabatu zutenik.
>
> Ea Natxo de Felipek emandatu datu hauek eztabaida argitzen laguntzen
> duten!
> Joserra Egiluz (berez itzultzailea, baina baita musikazalea ere)
>
>
>
>
>
> -----Mensaje original-----
> De: itzul-bounces a bildua postaria.com [mailto:itzul-bounces a bildua postaria.com] En
> nombre de Jon Aurre
> Enviado el: jueves, 16 de octubre de 2008 13:05
> Para: ItzuL
> Asunto: Re: [itzul] Arestiren bertsoak
>
> Neu ere garai hura bizitakoa naiz, baina, ez dakit ba, garunak urtzen
> hasita edo... Hala ere, pozten naiz beste batzuenak oraindik guri-guri
> daudela jakinda, Internet baino gehiago direla ikusita.
>
> Nire jakin mina asebete duzue. Eskerrik asko guztioi!
>
> Jon
>
>
>
> ----- Jatorrizko mezua -----
> Nork: huisl108 a bildua ej-gv.es
> Data: 2008(e)ko Urriak 16(a), Osteguna, 12:34 pm
> Gaia: Re: [itzul] Arestiren bertsoak
> Nori: itzul a bildua postaria.com
>
> > Bai, Juan, nik ere gogoratzen dut abesti hura.
> >
> > ziortza
> >
> > -----Jatorrizko mezua-----
> > Nork: itzul-bounces a bildua postaria.com [mailto:itzul-bounces a bildua postaria.com]
> > Noren izenean: Juan Garzia Garmendia
> > Bidaltze-data: jueves, 16 de octubre de 2008 12:05
> > Nori: ItzuL
> > Gaia: Re: [itzul] Arestiren bertsoak
> >
> > Neu ote naiz zaharrena jada hemen?
> >
> > Gogoan baitut Natxo de Feliperen lehen grabazioetan "Euskaldun fededun
>
> > gisan" ageri zela, gero autozentsuratu baitzuen Oskorrik. Nik ez dut
> > aurkitu Interneten bertsio zaharraren arrastorik, baina ez dut uste
> > oroimenak huts egiten didanik horretan.
> >
> > Estimatuko nuke beste norbaitek baietsiko balit, garai hura bizi izan
> > zuenik bizi bada oraindik.
> >
> > Beharbada, kanturako propio egingo zuen letra hori Arestik, eta ez da
> > egongo bildurik haren idatzietan.
> >
> >
> >
> >
> > 2008/10/15 Jon Aurre <jonaurre a bildua euskalnet.net>
> >
> > > Egun on:
> > > Inork ba al daki noiz et non argitaratu zituen Gabriel Arestik
> > "Kristau bat
> > > bailitzan asto bat dago elizan" bertso famatuak?
> > >
> > > Eskerrik asko
> > >
> > > Jon
> > >
>