[itzul] BAT artikulu indeterminatuaren aldeko galderak

Xabier Armendaritz (Aixe, S. L.) aixe a bildua ctv.es
Ast, Ots 16, 13:28:59, CET 2012


Euskal Wikipedian sortu nuen lehenengo artikuluetako bat «Oliba olio» 
izan zen, eta orduz geroztik --2010eko martxoaz geroztik-- honela hasten da:

«Oliba olioa landare olio bat da, [...]»

Oraingoxe bertsioan, hau da lehendabiziko esaldi osoa:

«Oliba olioa landare olio bat da, batik bat sukaldaritzan erabilia, 
olibondoaren fruitutik —hau da, olibatik— ateratzen dena.»

(https://eu.wikipedia.org/wiki/Oliba_olio)


Ez nabil, beraz, «bat» guztien sorgin ehizean. Eskertzekoa da Koldok 
piztu duen eztabaida, eta zer pentsatua eman beharko lioke «bat» 
sistematikoki kentzen dabilenari.

Wikipediaz den bezainbatean, nahiz eta ni beharrezko «bat» guztiak 
jartzearen aldeko izan (alferrikakorik ipini gabe, hala ere), kontuan 
izan behar da Wikipedian erabakiak wikilarien arteko adostasuna bilatuz 
hartzen direla. Beraz, hizkuntzaren gramatikan hain trebe ez diren 
wikilariak ere konbentzitu behar dira; gehien parte hartzen dutenetatik 
gehienak, behintzat, bat etorri behar dira, Wikipedian irizpide bat arau 
bihurtzeko.

Jentilizioekin, adibidez, eztabaida luzearen ondoren, lortu genuen nire 
iritzira oso-oso egokia den irizpide bat ezartzea:

https://eu.wikipedia.org/wiki/Wikipedia:Bozketak/Jentilizioen_ordena


Gure gaira itzulita, oraingoz, Wikipediako irizpidea da artikulu 
hasierak honela izatea:

«Urlia (Obaba, 1900 - 1999) berendialaria da / izan zen.»
«Harako hura hau eta bestea da / zen.»

Irizpide hori aldatzeko, hortaz, wikilariei proposamen zehatza egin 
behar zaie, orain artekoa nabarmen hobetuko duena; bestela ez baitu 
zentzurik aldatzen ibiltzeak.

Kontuan izan behar da, bestalde, euskal Wikipedia ez dela bakarra, 
ondoan dituela ingeles Wikipedia, frantses Wikipedia, aleman Wikipedia, 
gaztelania Wikipedia, italiera Wikipedia eta abar. Eta wikilariok 
askotan hizkuntza batean baino gehiagotan begiratzen diogula artikulu 
berari. Beraz, Wikipedia guztietan hasierako definizio horretan 
informazioa modu beretsuan ematea komeni da. Adibide bat:

Francis Xavier, born Francisco de Jasso y Azpilicueta (7 April 1506 – 3 
December 1552) was a pioneering Roman Catholic missionary born in the 
Kingdom of Navarre (currently Spain) and co-founder of the Society of Jesus.

Saint François Xavier (en espagnol Francisco de Javier, en basque 
Frantzisko Xabierkoa), nom de naissance Francisco de Jasso y 
Azpilicueta, né le 7 avril 1506 à Javier, près de Pampelune en Navarre 
et décédé le 3 décembre 1552 sur l'île de Sancian, au large de Canton en 
Chine, est un missionnaire jésuite basque navarrais.

Francisco de Xavier (auch Francisco de Gassu y Javier, Francisco de 
Jassu y Azpilcueta; * 7. April 1506 in Castillo de Javier bei Sangüesa, 
Spanien; † 3. Dezember 1552 auf der Insel Shangchuan Dao bei Kanton in 
China), im deutschsprachigen Raum bekannt als der heilige Franz Xaver, 
war einer der Wegbereiter christlicher Mission in Asien und Mitbegründer 
der Gesellschaft Jesu.

Francisco de Jasso Azpilcueta Atondo y Aznares de Javier, más conocido 
como Francisco de Javier o Francés de Jasso (* 7 de abril de 1506 –† 3 
de diciembre de 1552) fue un religioso y misionero navarro de la 
Compañía de Jesús nacido en el Castillo de Javier de la villa homónima y 
fallecido en la isla de Sanchón (China).

San Francesco Saverio (Francisco de Javier y Jaso; Javier, 7 aprile 1506 
– isola di Sancian, 3 dicembre 1552) è stato un gesuita e missionario 
spagnolo, proclamato santo nel 1622 da papa Gregorio XV; il suo culto è 
ammesso anche dalla Chiesa anglicana.


Ikusten duzuenez, erdal Wikipedia horietan guztietan ere, euskal 
Wikipedian bezalaxe, jarria dute aditza. Aditza orainaldian baldin 
badago («da») pertsona hori bizirik dagoela edo izaki hori orain ere 
badela adierazten da; lehenaldian badago, hil zela edo galdu zela. 
Wikipedia guztien arteko konbentzioa da.

Gainerako wikilarien izenean, eskerrik asko Alfontsori loreengatik (hire 
aholku burutsuak ez dituk alferrikakoak izan, eta honetatik ere saiatuko 
nauk hobekuntzaren bat adosten), eta wikigintza on guztioi.

Xabier

----------

Xabier Armendaritz
wikilaria



ItzuL posta zerrendari buruzko informazio gehiago