[itzul] erabil dezaket ala erabili dezaket

[sayago.ja a bildua aju.ej-gv.es]

Gramatikaren arabera aditz oina beti erabili behar da ahalerekin, subjuntiboekin eta aginterarekin. Aldiz, egun, ikusten da aditz oinaren erabilera desagertu egin ohi dela partizipioaren onurarako, bai kazetari bai idazle batzuen kasuetan, eta nahiz niri beti pena ematen didan forma baten galera, eta askozaz ere ederrago iruditzen zaidan "ikus dezadan" "ikusi dezadan" baino, lehenengoa batez ere iparraldeko euskaran erabilia dena, erabilerak esango du. Hori bai, momentuz, gramatikak ez du galera hori aldezten. 

 

Izan ondo

 

De: Joxe Mari Berasategi [mailto:jxmbera a bildua euskaltel.net] 
Enviado el: sábado, 14 de diciembre de 2013 20:03
Para: ItzuL
Asunto: Re: [itzul] erabil dezaket ala erabili dezaket

 

2013/12/14 15:58(e)an, nerea(e)k idatzi zuen:

	Kaixo 
	
	Galdera bat, erabil dezaket ala erabili dezaket? Biak al daude ondo? 
	
	Eskerrik asko
	
	Nerea

Euskaltzaindiak aditzoinen forma bai, baina ez du, nonbait, erabaki, noiz erabili.

Begira zer dioten beheko testuetan.

Ondo bizi,

Joxe Mari Berasategi
Gasteiz

EIMAren Estilo Liburuaren zazpigarren atala:

MORFOSINTAXIAREN INGURUKO ZALANTZAK ETA ARGIBIDEAK

http://www.hezkuntza.ejgv.euskadi.net/r43-euskcont/eu/contenidos/informacion/dih/es_5490/adjuntos/estilo_liburua/MORFOSINTAXIA_PDFa.pdf <http://www.hezkuntza.ejgv.euskadi.net/r43-euskcont/eu/contenidos/informacion/dih/es_5490/adjuntos/estilo_liburua/MORFOSINTAXIA_PDFa.pdf> 

 

205. or.

9.3.1. Aditzoinen forma

Euskaltzaindiak erabaki bat emana du (28. araua), aditzoinen formari buruz. Ez du esaten aditzoina noiz erabili, baizik eta kasuan kasuko aditzoinak zer forma duen.

 

206. or.

9.3.2. Aditzoina noiz (oro har)

Euskaltzaindiak ez du arautu noiz erabili behar den aditzoina. Hala ere, joera hau nagusitu da euskara batuaren garaian, oro har:

a) Ahalerazko, subjuntiboko eta aginterazko aditz laguntzaileekin rabiltzen da aditzoina: 

«eros ezazu»,  «eros dezala»,  «eros dezake»;  «sar  dezakezu»,  «sar  dadin»,  «sar ezazue»...  

 

 

IVAPen Estilo Liburua

http://www.euskadi.net/contenidos/informacion/bibl_digital/es_documen/adjuntos/estiloliburua.pdf

88. or.

Har(tu) dezan, dezake, ezazu

Subjuntiboan, ahaleran eta aginteran zer erabili? Aditzoina ala partizipioa? Euskaltzaindiak oraindik ez du araurik eman honen gainean; beraz, bi aukera dira zilegi. Nolanahi ere den, aditzoina erabiltzea erabakitzen baduzu, kontuan har Euskaltzaindiak arautu dituela, dagoeneko, aditzoinen formak.

 

-------------- hurrengo zatia --------------
Erantsitako HTML dokumentu bat ezabatu egin da...
URL: <https://postaria.com/pipermail/itzul/attachments/20131216/1a9dc5dd/attachment.html>